那年我20歲asso yr1，用左141叫雞(重甜): 第四部-第一章：等待回覆

我搭地鐵返屋企既途中係到回想返同條女既對話，心諗：「點解婉婷問既問題咁奇怪既，唔單止問我佢呢type做女朋友覺得點樣，又叫我遇到鍾意既女仔要勇敢去追...。唔通婉婷都鍾意左我，要我去追佢？ 唉...都係唔好太ff先，再睇睇之後點先再算..」。

係我愈諗愈頭痛之際，電話響左一響，彈出微信個通知，我望左一望，見到「婉婷」兩個字呀，「婉婷...係婉婷wechat 我呀！」而呢一刻，我心入面好激動，一來係鍾意既女仔發訊息過黎，二來係...阿媽呀，我從來都未試過比女仔主動發訊息呀！！

我打開wechat，婉婷個icon右上有粒紅點，代表有新訊息。然後，我禁入去個對話到就望見條訊息：「阿明，你到家了嗎？」，我內心突然覺得好幸福呀～因為除左老母，都未有過女仔問我返到屋企未...

毒L本色，速回訊息！平時訓練有素既我，手速當然係非常之快，所以我迅速咁打左「還沒呢，但也快到家了，還有兩個地鐵站」，然後禁「傳送」。發送左後，我就一直望住個mon，期待緊條女既回應。但直到我返到屋企攤上床果刻，條女都仲未有回覆。等鍾意既人覆訊息係有幾...有幾痛苦呀，毒L巴打們你地明嗎...

條女無覆，我就不斷係腦海入面諗各種既原因。係咪去左沖涼呢？睇緊電視無留意到電話？訓左？定係...接緊客...之後就唔敢再諗落下，我驚我會愈諗愈嬲。