那年我20歲asso yr1，用左141叫雞(重甜): 結局篇-第四章：禮物

出門既途中，順便打左個電話比蛇頭約實今晚既7點。之後我就黎到尖沙咀既海港城，然後漫無目的咁行左好耐，見到好多野都好似好岩做禮物咁，但真係完全唔知簡買咩邊樣做禮物好。

買唔到咁唯有繼續行，最後係一個首飾舖停左落黎，我望實個櫥窗入面條頸鍊，好靚呀...條頸鍊係白色黃金鑽，而且有個米奇老鼠個頭型吊墜。我記得婉婷講過最想去迪士尼，我相信呢一份禮物，佢一定會鍾意。呢一份真係我人生第一次送比女性既禮物，連我老母生日母親節都無送過野比佢。

比完錢後，個心好似放左舊大頭落地咁，呼～～～輕鬆晒。跟住望一望手錶，嘩，原黎已經5點，行下行下原黎d時間可以過得咁快。我約左既時間係7點鐘，姐係仲有2個鐘。而我由一起身到比錢買禮物前都，係諗住買咩禮物，所以到宜家一d落肚野都無，就咁是但搵左間茶廳坐底食野順便當hea下時間。

終於捱到6點半鐘，見都差唔多時間，所以我慢慢行過去酒店果到。黎酒店樓下照舊打左個電話比蛇頭後就搭𨋢上去。

上到去，行到房門，岩岩好7點鐘。而我正想敲門既時候，門就打開啦，然後婉婷：「嘻嘻，我就知道阿明肯定會準時的，所以就在門後等你，然後聽到腳步聲就猜到你來了」。



呢種比人迎接既感覺真係好爽，就真係好似個女朋友企係門口等你返屋企咁，好sweet好幸福...

阿明：「婉婷你真好真貼心...」

婉婷：「傻小子～快進來唄」，婉婷橋住我手臂拉住我入房。

我坐低左之後，就一直望住婉婷。婉婷打完個電話後，見我望到佢實一實就問我：「阿明，是不是我這樣穿不好看？」。

我口窒窒咁講：「沒有...不是...是很好看...」。婉婷今日著既係露肩連身短裙，仲要著住對露趾高跟鞋，雪白巴長腿完全展露晒出黎，而且上身露左兩邊膊頭出黎，真係好鬼性感，同時又帶小小高貴既氣質。我相信換著你你，眼前就企住個咁性感既靚女，你都會同我一樣望到眼甘甘...