那年我20歲asso yr1，用左141叫雞(重甜): 第三部-第五章：再一次相見（二）

第三次黎到同一間酒店，但今次既心情明顯同前兩次截然不同。前兩次係衝著「性」而黎，而今次好似有一種黎見「女朋友」既感覺咁。

而到呢一刻為止，其實我都未諗過見到條女後我應該要講d咩。而且我同條女都係見過兩次面，又唔知條女同我係咩感覺，如果咁突然之間同條女講「我喜歡你」，會否太唐突？ 萬一條女應返我話：「小朋友，你也太認真了吧」，被耿笑我天真點算好，而且我咪好L柒？

搭住𨋢上去，我就一路係到諗我應該要點做好呢，又應該講d咩好呢？ 我心諗「唔係啦...都係先拎左聯絡方法再算？其他既野以後先再慢慢諗？」

不知不覺已經到左條女間房門口，企左係門口，緊張感比前兩次更強烈，而且我自己都feel到自己有d手陣...吸氣...呼氣...吸氣...呼氣...大大咁呼吸左幾下我先敢舉起隻右手，然後「確確」兩聲...