那年我20歲asso yr1，用左141叫雞(重甜): 結局篇-尾章：結局（二）

我一抬頭望住婉婷...婉婷...真係婉婷呀。呢一刻我既心情非常激動，而婉婷都發晒呆咁望住我...然後叫左聲「阿明...」。我一見到係婉婷，已經唔理身邊周邊既目光，即刻9秒9衝去婉婷到，然後大大力咁攬住婉婷，我好驚...好驚一放手，婉婷又會再突然消失...。

此刻，婉婷亦感動到喊起黎，然後喊住講：「阿明...你...怎麼..怎麼這麼傻...我...我不是叫你別找我了嗎」。

我此刻好激動，而且眼淚都已經忍唔住係咁流..我講：「婉婷你怎麼可以這麼狠心，說走就走...你知道我...我有多傷心嗎...我從來沒有..也不會去介意你的身份，我只要...只要你能在我身邊...」

婉婷：「可是...可是我...」。我用嘴阻止左婉婷繼續講金我一啖咀落去婉婷到，然後抱住婉婷個頭，深深望住佢講：「答應我，別再從我身邊離開好嗎？」。

婉婷已深深比我感動左，此刻心入面都決定拋棄一切世人眼光，決意同阿明一齊，唔會再逃避呢段感情，所以喊住咁樣點左點頭，同時都應左聲「嗯」。此刻，我兩人互相緊抱住，而周邊則圍觀左一堆花生友，但我地兩人仿佛呢個世界就淨返我地兩個咁，周邊特別寧靜，兩人眼中只有對方。



兩人冷靜左小小落黎之後，我對住婉婷講：「給我三年的時間，畢業後我保證會給婉婷你幸福的...」。

婉婷：「我相信你..我相信你阿明...」。

就咁樣，婉婷終於返到黎我身邊，而我同婉婷則繼續坐上前往長沙既高鐵。

「20歲既我也許未夠成熟、也許未有足夠能力，也許將會有好多人反對呢段愛情，也許...也許...但呢一切既一切已經唔重要，此刻我已經唔會理咁多，重要既係我對婉婷呢一顆真心就絕對不假。正如我寫果首歌既歌詞咁：「不管有多困難，我也要和你一起」，就算以後我同婉婷條路有幾難行都好，只要身邊有婉婷，我都唔會怕，會繼續勇敢帶著婉婷行以後要行既路！」

五年後：夢不再是夢，終成真



步入教堂前一刻，我係到諗：「dllm，今次唔會再係夢掛？」，我大力一摵自己大腿，我痛到唔小心「呀」左一聲。

著住純白婚紗既婉婷批一批我踭，輕聲講：「梁家明！你是不是不想結婚了！」。

我有小小喊冤咁講：「冤枉呀，老婆大人...」

婉婷：「那還不站好，準備要進去了！」

我同婉婷進入禮堂，婚禮配樂也同時響起「登登登登...登登登登」



此刻，我同婉婷係牧師面前。

牧師：「梁家明，你願意娶林婉婷為妻？愛她、忠誠於她，無論她貧困、患病或者殘疾，直至死亡。你願意嗎？」

阿明：「我願意」

牧師：「林婉婷，你願意嫁給梁家明為妻？愛他、忠誠於他，無論她貧困、患病或者殘疾，直至死亡。你願意嗎？」

婉婷：「我願意」

之後我同婉婷兩人宣誓，之後就交換戒指：

牧師：「願天主降福這對戒指，請你們互相交換，做為親愛忠貞的信物。 」

然後我拎起婉婷隻手，幫佢戴上迪士尼款式既鑽石戒指。我戴完後，就換返婉婷幫我戴戒指。跟住落黎，我揭開婉婷個面紗...此刻既婉婷真係好靚...好靚...我輕吻左婉婷一下，就咁...我同婉婷終於正式成為夫妻。



五年啦...呢條路真係唔易行...充滿崎嶇，但我最終都同婉婷捱左過去。我差乎用左一大半既積蓄（6位數，無理老豆老母反對）幫晒婉婷清晒債。而早係五年前，我同婉婷返長沙其實係辦理婉婷母親身後事（敵唔過病魔），母親既去世雖然對婉婷係一種打擊，但同時將婉婷既重擔消除。

而婉婷方面，我將我淨下既積蓄比晒婉婷，婉婷係深圳搞左服裝網店，自己做埋間舖既model，所以幾賣得...總之婉婷直至我畢業前都可以靠到自己賺到生活費。

而我就一直半工讀到大學畢業，每個星期都會返去深圳到陪婉婷一至兩日。畢業後既我入左政府做EO。而老母老豆呢幾年都見證我同婉婷之間既感情係真，所以都由反對轉變為支持，有父母既支持已經足夠...

唔講咁多住，阿明我趕住今晚既喜酒，然後今晚既洞房花燭夜，等閒再同大家吹過，Bye！