《彌留喺人間嘅罪名》: 《彌留係人間嘅罪名》 - 《第二幕 孔雀》

彌留係人間嘅罪名 - 《第二幕 孔雀》

原來彥凌已係不知不覺間回朔返佢哋係奈何橋嘅相遇，
記得當時係由天真爛漫嘅樂霖妹妹驚驚青青噉展開對話先嘅：
「喂！哥哥仔，呢度邊度嚟㗎？鬼影都冇隻喎！由頭到尾淨係得果兩隻死人雀係度嘈吱巴閉！同埋點解我會成身濕晒架，又凍又盛囉！」
子杰望望果兩隻雀，似係一隻白鴿同一隻烏鴉，一黑一白噉跟住佢地。

「雀...就好似孔雀喺佢最引以為傲燦爛咁樣開屏嘅時候，然後就特然消失係呢個世上......」
子杰見彥凌特然之間眼神空洞，立即幫佢緊接落去，但當佢講到孔雀嘅時候，佢都跌入左思索嘅旋渦入面，諗翻起係奈河橋嘅對話。





「妹妹，你唔好噉驚先，其實我哋已經......」
當時我收起原來拎住係手果本三島由紀夫嘅經典小說作品《孔雀》，跟手幫樂霖妹妹披翻件黃色嘅膠雨褸，
雖然我唔知點同樂霖講出真相，但係見倒佢好似想喊噉嘅樣我又唔想對佢講大話。彥凌同子杰嘅記憶終於慢慢湧現翻出嚟。

「妹妹，你係未跌過落河搞到又凍又濕丫？」
而我就好似子杰嘅救世主噉係呢個時候及時出現，直接了當噉開口向樂霖搭訕，完美噉幫子杰砌好咗個下檯階。
彥凌已經記得翻晒點解佢會黎到呢度！
「呢位啊哥，你睇起上嚟同我差唔多大咋喎！」記憶中嘅對話仍然繼續大量湧現。

「大過你一秒你都要叫我啊哥架啦！你跌過落去果條河叫忘川，




所有失憶嘅亡靈都會係果度出現翻，無論你係咪比人浸死都好，都會唔記得曬生前尐嘢......」
彥凌因為不斷輪迴係呢個空間度，所以講咩都有話直說，而且似乎知道唔少事情，嚇到子杰都唔知比咩反應好。

「咪搞笑啦！哥仔，你講左一大堆嘢都唔知你噏乜，又忘靈又生前噉，嚇鬼咩？唔通我同你都係鬼嚟㗎咩？」
樂霖因為唔敢相信彥凌講嘅嘢，所以不其然噉笑左出嚟！直至彥凌搶左子杰手上果本小說《孔雀》，拎出入面封遺書比樂霖睇，樂霖仍然唔相信自己已死。

而子杰更加唔敢相信點解彥凌會知道關於佢嘅事，彥凌簡單直白噉講：「因為我死得遲過你哋，所以我知道有關你哋嘅事，就係咁簡單！」
「同埋你單嘢係一夜過後簡直轟動全城啊，有良心嘅報館無一間唔登頭版架，你自己睇下啦！」
「烈日當空下，有一位熱血青年穿起黃雨衣，撐起黃雨傘，在平台掛上抗爭布條，靜坐抗議，要求撤回惡法等。





但估唔倒佢係警方、談判專家嚟到交涉嘅時候，就喺混亂之下失足墜落身亡。」子杰自己朗讀自己嘅死訊，佢唔敢相信呢篇野係講緊佢自己。
「事發後，警方喺佢嘅書檯上面搵倒封遺書，果封遺書好諷刺噉夾左係本小說入面，入面仲特登highlight咗某一句句子：
「所謂青春就是尚未得到某種東西的狀態，就是渴望的狀態，憧憬的狀態，也是具有可能性的狀態。」

他們眼前展現着人生廣袤的原野和恐懼，儘管他們還一無所有，但他們偶爾也能在幻想中具有一種擁有一切的感覺。」
彥凌邊讀還展示佢係子杰手上搶嚟嘅果本小說同入面封遺書。

「外界對佢所知有限，只能透過臉書得知佢經常擔任義工，喺學校開辦讀書會，助養兒童、探訪老人院，為山區貧童籌款起學校等等。
朋友形容他「樂觀」、「陽光」、「有愛心」。但其母卻報稱他是個「內向」、「被動」、「好靜」的乖孩子，
其父仍不敢相信失去愛子，更一度情緒失控大聲噉叫囂：『無可能架！我個仔一定係睇小說睇壞咗個腦！點解會噉㗎！』」
樂霖繪形繪聲噉扮佢老豆。子杰同彥凌係同一時間返回現實，佢地繼續演繹佢地嘅議題。「或者一年後，已經再冇人記得我個名」

「冇人再記得我呢個同政權一齊墜落嘅人係點樣轟烈噉自我犧牲......」「亦冇人再考究我嘅死究竟係咩一回事。」
樂霖緊接住子杰嘅陳述，「唔通，呢個城市就真係只有『馬照跑，舞照跳』係可以五十年不變......」
今次彥凌終於記得要接住樂霖嘅演講詞，並且總算講倒少少佢想表達嘅嘢比閻王聽，但就被人中斷咗。





tbc待續 
全文在https://www.penana.com/story/73935

喜歡可追蹤我的IG/FB
https://www.facebook.com/sylvansstory
https://www.instagram.com/sylvansstory/