簡介
彌留喺人間嘅罪名 -《序幕》 係跌左落樓嘅嗰半秒間，青年已經覺得有萬二分嘅後悔，佢同大家一樣深深感受到冇任何一條人命係值得為呢個政權而失去，但佢己經返唔倒轉頭，喺呢一刻，有一大堆記憶隨住下墜而傾瀉出黎，而呢一幕幕走馬燈式閃播嘅，除左有佢嘅一生，仲有因佢嘅死而變動嘅將來！ 一個星期後，青年墜樓嘅果條路被有心人嘅祝福連綿成一條白花路。喺佢嘅頭七，有退休民眾專程帶住黑色蘇格蘭風笛，喺現場吹奏《5201314》。 一個月後，雖然仍然有人因為放題式嘅催淚氣體而喊，但係社會依然民不聊生，有人向青年家屬表示：「你個仔好英勇，唔好灰心，沉默嘅人會走出來，完成佢嘅理想。」 眾人都認為青年嘅遺志喚醒咗沉睡嘅大眾，「連續兩星期都有咁多人願意走出來，好有希望，佢唔會係白白犧牲」。另外亦有女子特別請假半天到太古廣場外，熱淚盈眶致意，直言對政府、高官及警察都感到失望。 事發已過半年，雖然已經得返好少數人記得呢個年青人，但隨著墜下而引發出嘅漣漪仍然輕柔噉盪洋著，然而全城政局已經十分動盪，大家都因為政府引用緊急法而訂立落嚟嘅惡法，加強咗自我審查同過濾，亦都因為噉，人人自動封口龜縮，冇人再噉創作有關於反對政府政治議題嘅任何嘢，有尐小商戶直頭連喺門口、牆身、甚至窗口果塊玻璃仔貼幾張冇寫野嘅memo都唔敢！ tbc待續 全文在https://www.penana.com/story/73935 喜歡可追蹤我的IG/FB https://www.facebook.com/sylvansstory https://www.instagram.com/sylvansstory/