《彌留喺人間嘅罪名》: 《彌留係人間嘅罪名》 - 《第一幕 自我介紹》

《彌留喺人間嘅罪名》-《第一幕 自我介紹》

「大家好，介紹返先，我係陳子杰。」
「而我就係壞過凱婷嘅梁樂霖。」樂霖望向彥凌提示到佢發言。
「我...我係周彥凌」三位年青人先後簡單噉介紹咗自己，然後繼續佢地嘅演說。

「有人話，人生係踏上咗就番唔倒轉頭嘅一條路，愛情係扔咗出就收唔翻嚟嘅賭注。」
「而我就話，青春就係一本打開咗就合唔翻埋嘅書。」樂霖再次以眼神提示彥凌，輪到佢嘅發言，
「當你一頁一頁咁揭開佢嘅時候，以為會有排先揭完，但係...但係...」樂霖見彥凌遲遲都接唔倒上去，就幫佢講埋落去，
「幫緊你幫緊你！你係未想講，但係呢，好快你就會發現原來已經所剩無幾，好似廁所尐廁紙噉，當你最需要嘅時候，




係永遠都唔夠用啊！乜你咁冇記性架！」
樂霖忍唔住話彥凌。

「係囉！記少少野都記唔倒」子杰又加多腳。
不過其實彥凌並唔係因為冇記性而記唔住講辭同對白，佢只係太多嘢諗，
太多雜念令佢集中唔倒心力去做好呢場自辯，又或者佢根本唔係想嚟自辯。
佢淨係記得自己曾經向黑白無常兩位申請過額外重審，而就喺我哋啱啱死嘅時候，
我哋就好似其他一般嘅游魂野鬼噉糊里糊塗，唔知自己做緊乜，周圍飄周圍貢，
慢慢咁聚集翻三魂五魄先叫有翻尐意識，有尐似依加呢個狀態。





然而，如果果尐靈魂想快尐聚氣提高自我意識，就要好似尐哲學家噉不斷同人對話，透過對話搵翻自己嘅生命本源，
所以我哋生前會成日係人間聽倒尐「咿咿吟吟」嘅聲，但係又聽唔出係邊個講緊尐咩嘢，好似鬼食泥噉，
其實只係尐靈魂想搵人對話從而搵翻意識本源，
佢哋對人係無惡意，只可惜係搵錯對象。

然後，意識帶住我哋追隨一度白光，走入去光嘅隧道，而果條發住白光隧道會將意識回歸整合率達到八九成嘅靈魂帶去奈何橋，排隊等飲孟婆湯。
唔通我哋全部都已經飲左果碗湯所以尐記憶咁零亂？

「所以，今日我哋想分享嘅，就係我哋嘅青！春！歲！月！」樂霖興致勃勃噉演繹我哋將會演講嘅題目。
「如果青春係指某一年歲嘅人，我諗我哋就係喺大家都認為最青春嘅果個年紀，永遠噉封印住自己......然後有兩隻雀」彥凌若有所思，眼神恍惚。





tbc待續 
全文在https://www.penana.com/story/73935

喜歡可追蹤我的IG/FB
https://www.facebook.com/sylvansstory
https://www.instagram.com/sylvansstory/