《我獲得一個願望，我選擇左係學校做一次男神》: 第七十二章：揭穿

「白志明先生，請到303號窗攞藥。」做護士果然係要聲甜，符合一班毒男既幻想。

「嗱，呢到係止痛藥，消炎藥，藥膏，同埋呢支針。」下，比支針我做咩？不過，個護士又真係幾靚，可惜有啲熟女既感覺，整體都唔錯。

「先生？」

「啊係，咩事。」掛住望人望到失魂添。

「你等陣去抽血房，我會幫你打針，之後，你就要自己打架啦，至於支針咩黎，我等陣再話你知。」







我係到等，等左十五分鐘，個護士先叫我入去，入到去，一個人都無，仲要鎖埋門，使唔使咁神秘...



「男班長，我要你幫我做既野搞掂晒未？」

「無問題啦，我會send個電郵比你，入面有晒所有資料，至於費用我就唔收你啦，希望你能後揾返阿明，同佢講清楚。」





「嗯，多謝你，如果真係成功既話，我實會好好報到你。」

「加油。」




「阿明，哈。」我個名好笑咩...個護士係簾後走出黎，攞住支針筒，好恐怖。

「做咩...」





「無，只係聽過你個名啫。」

「我個名？係邊到聽過到啊？」不過聽過都唔出奇啊，世界上咁多個人叫阿明。

「係一次船P上面。」護士都玩船P？有意思...

「記唔記得邊個芊雪。」芊雪？點解佢又識得芊雪。

「你又識佢？」

「唔係識，只係係個次船P上見過佢。」咩話？芊雪去過船P？點解我唔知既？

「點解佢會係個到...」





「我點知啫，只不過知道佢玩得幾開心囉。」

「架遊艇有邊個係到？」

「你點會識啊，啊，不過有一個你肯定識，就係阿軒。」我好嬲，緊握拳頭，但係嬲都無用，我唔知芊雪係上面做左啲咩，可能只係普普通通咁玩，何況，我又唔係佢邊個...

「阿軒...」

「算啦，都係唔講啦，幫你打針先。」

「支針呢，就係好痛好痛既時候先打既，而家比你試下感覺，搣你都唔痛架。」

打完針，個心仍然諗緊芊雪去船P既事情，點解個陣時佢唔話比我知，係咪有咩隱瞞我？跟住就搞到佢拒絕我既表白。

「嗱，呢個我電話，有咩事打比我啦。」一張memo紙上寫住８個電話號碼，同埋一個英文名，Jessie，不久將來，會掀起一場風暴故事。







「我無男朋友架，想約我出黎飲野都得架。」雖然Jessie人幾好，幾靚，但係而家無咩心情同佢講呢啲住。

「好啦，唔該晒。」

「下次見。」




離開醫院，打開電話，見到天蕊有幾十個未接來電，我都唔知點解釋好，唔可以話比佢知我受傷，加上我而家心情真係好低落...

「喂，阿明？你去左邊啊，好擔心你啊。」好彩，天蕊都係個理性既女仔，唔會一開波就係咁噴你。





「琴晚我去左踢波啊，踢到好攰，而家先起身啊。」

「訓咁耐架你隻懶豬，你知唔知我又離開左香港做project啊。」呼，好彩佢無再懷疑，不過無端端又唔會懷疑我既。

「去左邊啊？」

「去做澳門啊，聽朝先返。」

「小心啲啊，記住，唔好掛住做野又唔食野啊。」

「知啦，你覺得你女朋友我會唔食野咩？」

「咁又係，你咁為食。」





「你講咩話！哼，唔理你。」

「唔好啊，最多你返黎陪你食好西。」

「你話架，唔講住啦，我要做野啦。」

「好啦，聽日見。」

「聽日見。」我地兩個隔住電話，係大氣電波送左個飛吻比大家。




其實係今日，我有一樣野好想做，就係去揾藍楠，即係CU咖啡妹妹，睇下佢有無事都好。

「歡迎光臨。」

「阿明？你有無事啊。」藍楠即刻跑過黎，捉住左我隻手，呢個動作令我好感動，但係佢捉住左我傷口。

「痛...」

「無事阿嘛，你邊到受傷啊？」雖然手臂無明顯既傷痕，但係最痛既就係手臂，因為擋住佢地打我，第一反應一定係用手臂擋。

「我幫你搽藥膏啊。」

「唔使啦，我睇左醫生。」

「唔得，入黎，我要幫你搽藥膏，搽藥膏先會好。」咁又係，Jessie又話打完針搣都唔痛，但係藍楠只係捉一捉住我隻手，就痛到飛起。

「好啦好啦。」




入到員工房，好逼，好焗，根本透唔到氣咁，搞到我好想出返去。

「你係咪好熱啊，你除左件衫先啦，何況我要幫你搽藥膏。」

「好啦。」

除左件衫，係藍楠手掌亦都有準備好既藥膏。

「啊...」

「好痛啊？對唔住啊，我細力啲啊。」

「唔係，好凍啊啲藥膏。」雖然有少少痛，但係藍楠手勢好好，好溫柔咁搽，我亦感受到佢肌膚既嫩滑，細膩，更加開始覺得有啲舒服。

「醒啦阿明。」原來我享受到合埋眼，連搽完都唔知道。

「係咪好舒服呢，下次你都過黎啊，我幫你再搽。」

「唔使啦，費事再麻煩到你啦。」其實心中不知幾想日日都比藍楠幫我搽藥膏...

「咁好啦，你有需要再話我知啦。」




「喂！你地兩個係到做咩！」

「？！」房門打開，一個凶神惡煞既老女人企係門口。
（結局將近！）