《我獲得一個願望，我選擇左係學校做一次男神》: 第七十三章：傷吻

「我地..」

「唔使講啦，你，以後都唔使返工，呢到唔適合你！」

「你而家咩意思，藍楠幫我搽藥膏，咁都要炒佢？」

「而家冲咖啡啊，唔係做做按摩啊。」

「藍楠，我地唔好理佢，我地走。」我捉住藍楠隻手，拉起佢離開，成個動作，好似好有型，但係藍楠已經係到喊緊。








「唔好喊啦，比人罵到咁，你都唔想留返係個到做啦，係咪？」

「嗯。」

「無左份工啫，最多我養你。」我已經唔知道自己講緊啲咩，但係只係想藍楠開心返，重拾返希望。

「其實...我只係擔心你咋。」擔心我？





「你傷成咁，我好心痛架。」心痛？...

「傻既，邊有人見到有女仔就黎比人打都唔出手架。」

「你好好人啊。」藍楠突然走前一步，踮起腳，錫左我個最一啖。

「我知道你有女朋友，但係我唔知點樣報答你先好，唯有咁囉...」見到藍楠扭扭擰擰咁樣，好鬼得意，為左等佢知道我接收到佢既心意，我，同樣咁，錫左藍楠一啖，只不過錫係壓頭到。








「白志明...你係到做咩...」

「我...」天蕊，我唔知點解佢會係到，但係佢正正係我面前，我亦無從解釋。

「得啦，我地分手啦。」

「你記唔記得，我地係故事既男女主角，只要劇本一日存在，好好去演呢場戲，當每一日都係最後一日，就能夠成就一場無與倫比既愛情，係咪，你講，係唔係...」天蕊講完之後，已經泣不成聲，我想埋去安慰佢，但係對腳好似唔受控制咁，行唔到。



「對唔住，係我揾阿明先。」藍楠，多謝你出聲幫我...

「你，好好咁照顧阿明；我再做唔到呢場故事既女主角，係因為有女配角成功咁搶左我個位，再見...」天蕊掩面，回頭離開舖頭。








「你都有今日啦，快啲走啊，你兩個狗男女，以後都唔想見到你地啊，賤人！」賤人...呢個形容詞係我身上只係好似形容過阿軒，估唔到，今日，我會比人話返我係賤人。




我再次拖住藍楠走出去，但係出到外面，藍楠亦無情咁鬆開我隻手。

「做咩啊？」

「對唔住！我唔應該錫你，係我入侵左你既生活，係唔適合既時候愛上左你！」愛上左我...





「唔關你事，係我錯，我無理到其他人既感受，只係成日掛住眼前既事物，先會搞成咁。」

「我地以後都唔好再見啦，我唔想再破壞人哋既生活啦。」

藍楠亦都轉身而去，不帶一點雲彩，但卻留下一條圍裙。

我拾起圍裙，久違既眼淚都沾濕左圍裙，一日之內，失去左一個摯愛，一個重視既女仔，我，究竟係咪唔適合再拍拖...




我打比一個人，想揾佢訴苦，但係佢話工作繁忙，要今晚之後先得閒，咁都無辦法，唯有自己一個走去銅鑼灣海旁，亦即係我同天蕊一齊既地方。

「呼，其實有女人係身邊都幾煩。」飲左一啖啤酒，望住腳下海中既倒影，由前幾日既一雙，變到而家既一個。








「BB，我地今日拍拖三週年啦，你有咩想同我講？」

「你記唔記得我地三年前既今日啊？我好浪漫咁砌左個蠟燭心形比你，你仲差啲喊左出黎，今日我想送多個心心比你，不過呢個心，係一個永遠既心。」

「今日，我要你永永遠遠咁帶住我個心。」個男仔跪低，係褲袋攞出一個戒指盒，打開，係一隻閃爍耀眼，代表承諾既戒指。

「你，原唔願意嫁比我？」女仔上次無喊到，今次不單只有喊，而且眼淚中帶點喜樂。

「我願意。」係一個黑漆漆既夜晚，夜空雖然無咩星星，但係係月亮既見證下，佢地既愛已經超越左一對男女朋友，呢一枚既戒指，更加點綴左佢地既人生。








而我呢？我已經諗好，既然愛情，女人都唔屬於我，點解仲要強求呢？我只係希望我既人生係順其自然，唔強求，反而對我黎講，先係真正既幸福。




唔記得今晚約左Jessie添，睇黎我都唔需要再揾佢啦；我離開既時候，留低左一樣野係海旁，一塊白色既圍裙，一塊屬於藍楠，一塊破壞我愛情故事既圍裙，我，寧願永遠拋棄，瀟灑咁離開塵囂。




「你快啲過黎啦，我好灰啊。」

當我想脫離女人呢個魔咒既時候，但係偏偏要捉住我唔放，真係可笑。