《我獲得一個願望，我選擇左係學校做一次男神》: 第六十八章：第一

今日落住毛毛細雨，自己一個擔住把遮係銅鑼灣等人，而等既人就正正係天蕊。

無錯，我已經進行緊我既行動，就係要追天蕊返黎，點解我會有咁既念頭？

係大學生涯點可以無拖拍？我亦唔係夾硬揾個女朋友，而係我覺得天蕊呢個女仔，係我人生中從未試過，係我既第一次。

「Hi，等左好耐啊？」
「唔係，我都係啱啱先到啫。」其實每個男仔咁講，梗係唔係啱啱到，世上邊有咁巧合既事，而係等個女仔即使遲到，都唔會有太大罪疚感。

「咁我地入去啦。」




「嗯。」其實天蕊都唔係咁酷啫，只係未識佢，未同佢熟絡既人覺得好似有一層隔膜咁，但係當我今日見到佢既時候，佢展出佢既笑容，酒窩深深咁吸引我注目。

入到戲院，真係好凍，唔講以為自己去左北極館，好彩，作為好男人，帶定件外套是常識吧。


「着住佢啦，唔好冷親啊。」為求有好表現，立即變身做暖男，為天蕊披上外套。

「唔該晒，咁你呢？唔凍咩？」天蕊人真係好好，仲會為埋人哋著想，咁乖，咁純既女仔仲剩低幾多個？






「我點會凍啊？有你呢個暖牛奶朱古力係我隔黎。」無限甜蜜度，充滿左我同天蕊既對話。

「口甜舌滑，食左蜜糖啊？」

「安靜，睇戲。」我將手指放係天蕊嘴邊，叫佢安靜，但係同時亦感受到天蕊既熱氣同潤滑既嘴唇。
佢都立即望返住銀幕，但係隱約見到佢白裡透紅既臉龐。

同自己鍾意既女仔睇戲，套戲都係重點，愛情電影就係最好不過，特別係韓國製造，雖然我完全睇唔明，更加唔覺得好傷心，不過好戲，在後頭。

我地睇完戲，去左銅鑼灣海旁坐，雙腳係碼頭邊搖擺，望住個海，受微風吹拂，都算係浪漫。






「好慘，點解個男主角會死左...嗚呼...」雖然我好想偷笑，因為佢喊係我意料之中，只不過估唔到會咁成功。


「明明個女主角鍾意返個男主角架啦，偏偏係個陣時有絕症死左都有既..」
「係囉，真係好慘，個女主角咁就錯失左一場愛情故事。」
「你都唔可以好似個女主角咁錯過我。」

「下？」天蕊本身挨係我膊頭上面，突然彈左起身，望
住我。
「唔係，我意思話，唔好好似個女主角咁錯失個男主角啫。」
「但係，我頭先聽到既好似唔係咁喎。」天蕊開始用疑惑既眼神望住我，大獲啦今次，點解釋好呢，定係頂硬上呢？






「真係啊，無呃你啊。」


「好啦，信你一次啦。」講完呢句，佢又即刻挨返落
黎，更加再次沾濕我件T恤。


「唔好喊啦，你又唔係個女主角，我知道你一定會幸福過個女主角既。」既然佢又開始沉醉於套戲入面，睇黎我要開始我既攻勢。



「你又知？」今次佢無質疑我，反而想聽我講埋落去。

「因為，我將會係你人生裡面既男主角。」
佢慢慢望返住我，帶點害羞既樣子，我發動最後一擊，捉住佢隻手，等佢感受到我既愛意。





「喂，男班長。」
「喂，邊位？」
「我啊，穎心啊，咁夜打比你會唔會阻你訓覺啊。」
「唔會，我仲打緊機。」
「點解你好似對我返黎無啲驚訝咁既？」
「阿峰咩都同我講晒，驚訝都一早驚訝左，我亦等你呢個電話好耐。」

「講到好巴閉咁喎。」
「有咩想我幫手，講。」
「果然係好巴打，知我有求於你。」

「我想你為我安排衣食住行，唔好比阿明知道我返黎，就係咁簡單，有無問題先。」

「無，穎心姐叫到邊夠膽托手踭。」





「咁，唔左你打機啦，今晚我會係灣仔酒店住一晚先，之後，就靠你啦。」

穎心，加油啊，作為阿明老死，好想見到佢可以同中學第一個鍾意既女仔，表白表到暈左既女仔一齊，唔好讓呢樣野成為你地人生中既遺憾，我相信，你地兩個一齊，係世界上數一數二最完美，最恩愛既情侶，加油！