《我獲得一個願望，我選擇左係學校做一次男神》: 第六十七章：人生，得意

個晚同龍叔佢地食完飯之後，無錯，係同龍叔佢地，而唔係我既隊友，我傾到連本身係同隊友食飯都唔記得左，直到佢地食完，行埋過黎我先記得，唉，我真係傾穎心傾到走火入魔，好彩佢地胸襟廣闊，知道我有重要野傾先唔揾我。




經過一個禮拜，我終於諗清楚，即使我鍾意穎心又如何，好想追返佢，同佢一齊，結婚，生仔又如何？佢，始終都係唔會返黎。

但係，阿明並唔知道，係呢一個禮拜，穎心，已經搭飛機係英國返黎，要同阿明一切從頭開始。






唉，讀左大學兩年，說好的大學一定有拖拍呢？係有好多靚女，好女仔，但係佢地全部都唔係屬於我...


「阿明，你唔試下又點知唔係屬於你呢？」咦？又有把聲係我個腦海到講野既？

但係呢把聲並唔係個個「後生阿伯」喎。

「你係邊個？」

「我係你心底裡最誠實，最真摯既聲音。」把聲好後生，好有磁性，但係好有惡魔既感覺...





「你見唔見到你兩點鐘方向有個女仔？」係圖書館，我兩點鐘方向的確有個女仔。

「有，跟住呢？」

「行過去，結識佢，佢會做你女朋友。」下？我猜唔透佢講緊咩喎，咩我女朋友啊？

「行啦，你相信自己，佢就係你未來既女朋友。」我究竟係咪痴左線，係咪因為諗穎心諗到傻左？

但係，我對腳真係唔受控制咁行緊過去，而且仲坐低埋。








女仔原本望緊啲notes，但係見到有人坐低，都好自然咁望上黎。

樣貌都唔錯，真係讀書人既樣，好斯文，髮尾捲起既短頭髮，幾可愛。

「Hi，我叫阿明啊。」

本身佢望左一眼又望返落啲notes到，而家又撩人傾計，真係無恥...

「我叫天蕊，叫我Venus得架啦。」佢又真係唔係幾鍾意笑，文青得黎又帶點冷酷，我鍾意！








「你溫緊書？」

「係啊，好攰啊。」雖然佢唔鍾意笑，但係睇落都應該會幾好相處。

「不如我買杯咖啡比你啊。」

「唔...唔係幾好意思既。」讀心理學既我，點會唔知佢咁講只係婉轉拒絕，心底裡不知幾想有人為佢買咖啡。

「唔緊要啦，你係到等我，我去買杯咖啡比你提神。」

「咁，麻煩晒。」見到佢難得既笑容，都幾靚啊，仲要有酒窩，不枉我贈佢一杯咖啡。








「唔該，一杯Mocha。」

其實我都唔知買咩比天蕊飲好，之前見好多女仔都鍾意飲Mocha，我亦憑直覺去買。




「嗱，Mocha新鮮送到。」

「哇，唔該晒你啊。」

「你又知道我鍾意飲Mocha既？」呵，睇黎我已經將世事看透，咩都掌握係我手裡。





「見你好似杯Mocha既牛奶咁純潔，好似朱古力糖漿咁甜蜜，咪買杯Mocha襯返你囉。」一個字形容晒，肉麻！

「嘻嘻，你把口仲甜喎。」今次天蕊佢笑得仲靚，酒窩更彎，好迷人。

「我趕時間啊，不如你比你電話我，下次再送杯Mocha比你飲啊。」

「好啊，我寫低比你啦，6593...」

係個日，好成功咁收穫左一個文青女孩，真係出於污泥而不染，好乾淨，好純潔。




我亦把握機會，係個晚即刻whatsapp佢。





「Hi，我係阿明啊。」

「仲努力拼命中？」

「係啊，我仲好掛住個杯好sweet既Mocha添。」唔係暗示叫我夜媽媽送外賣比佢下話。

「而家買多杯比你。」為求對話帶甜蜜，高質素，我都要扮下野。

「傻啦，講笑咋，咁夜啦，係都下次先啦。」

「咁你呢？做緊咩？」

「我無啊，係屋企睇波囉。」話說，我已經返左屋企住，第二年我已經無再住hall，費事再見到冰倫，避免尷尬。

「你鍾意睇波架？我都超鍾意睇架，特別係車仔。」係呢刻，我有啲感到，竟然會有女仔睇波，而且仲同我撐埋同一隊波...

「我都係車迷黎架，而家車仔炒緊廠5比0啊。」

「咁犀利，搞到我都想睇添。」

「不如下次我地一齊出黎睇波食飯啦。」咁我既橋都比我諗到，真係聰明蓋世...

「就咁話啦，不過我而家有啲攰啦，聽日再同你傾啦。」

「嗯，一言為定，早抖。」

「早抖。」

係「早抖」呢兩隻字中，我揾左個表情符號去點綴一下，就係一個錫錫既表情符號，更加奇幻既事，就係天蕊都同樣覆返個錫錫表情符號比我，以作我一日完美既句號。