《我獲得一個願望，我選擇左係學校做一次男神》: 第六十五章：終於

終於！終於都得左啦，球證亦都吹雞完全，我真係屈膝係地下，雙手掩面，內有難掩既喜色。

隊友們見狀都立即衝過黎，攬住我，捉住我，更加一齊訓晒落地下，我都好快喊完，見到大家咁興奮，我都無謂掃興。

「阿明，我地得左啦！」
「嗯，我地終於都贏到阿軒佢地。」

我地慶祝完，都立即起返身，迎接球迷，各界既掌聲，感覺就好似李斯特城係英超奪冠咁，對外人黎講我地只係魚腩，奪冠亦係爆冷，但係對於我地黎講，由分組賽到到決賽，甚至將來要對住港超冠軍，每一場波都係好有意義，好有價值。

「你好野，今次比你贏到，係你好彩。」阿軒走過黎同我講，我都無心情理佢，何況我係名正言順咁贏左呢場比賽。





「我地恭喜UST足球隊，成個衛冕今年中學大專聯合足球學界冠軍，希望你地係將來對住傑志更加可以攞埋全港總冠軍！恭喜！」

聽到之後，我地都有小許緊張，因為聽到要對住既係傑志，而唔係東方，實力始終有好大差距。

「好，我地唔好理住，捧完杯，入更衣室再講。」
我地好快就慶祝完，玩完香檳，影下相就入返更衣室。

「今日，作為大家既隊長，我好抱歉，過程都令大家辛苦，亦都唔能夠話係我帶領住大家去攞呢個冠軍，呢個冠軍，每一個都有份，係每一個既汗水堆積出黎，所以，我要多謝大家至真。」





講完之後，以表禮貌，我鞠左躬，同時亦聽到響亮既鼓掌聲。

「阿明，如果唔你幫我地UST，就真係攞唔到呢個冠軍啊。」
「係囉，係囉。」

「好，既然大家意興未盡，就去食餐勁既去慶功啦，我請！」阿元真係比我更適合做隊長呢個位置，好強既凝聚力。

「好野！」

去到大排檔，令到我諗起芊雪同我第一次既相遇，有啲觸感傷情，諗返起，同芊雪經歷左咁多野，由最純潔，最可愛既芊雪，變成一個寧攬勿缺既女仔，再同冰倫一齊，性格更加由開朗，變到而家一言不發，冷血過冰倫，佢既變化，令我有些少既後悔，無諗過我無同佢一齊，就會變到咁，究竟係咪我既錯呢？





「乾杯！」
「大家今日做得非常好，踢到出神入化，特別係阿元同我地既門將。」
作為隊長，循例都要讚下啲人，不過問心，今日個個都踢得好好。

「邊係啊，最靚都係阿明個下倒掛金鉤啦，以為你C朗上身添啊。」
「哈，有無咁勁啊。」傾下傾下，我係熟悉既環境見到熟悉既面孔。

「唔好意思啊，大家傾住先，我見到個朋友。」
「好啦。」

我見到既唔係芊雪，而係男班長。

「喂，做咩自己一個。」
「咦？你又係到既？」





「啱啱踢完比賽，而家黎慶功阿嘛。」
「係喎，你地贏左CU喎。」連男班長都知道，睇黎我地贏波呢個事實越黎越多人知道。

「你呢？你未答我做咩自己一個係到喎。」
「我悶咪自己一個黎飲酒囉。」望住男班長講呢句，眼神逃避，好有嫌疑。

「真係？」我用一個質疑既語氣問佢。
「唉，真係呃唔到你呢個社工。」
「咁你誠實答我啦。」

「唔洗啦。」聽到一把好似好熟悉，聽左好耐既聲音，唔通係收音機天台裡面既主持？唔係啊，我好耐無聽過收音機啦喎，我索性往後一望，一種震撼感震入心。

「啊...啊龍叔？」無錯，我眼見既就係從前係醫院裡面朝見晚間既龍叔。
「咦，阿明仔都係到既？」




「係啊，佢搭台架咋。」搭台...你個男班長。
「即係你都識佢啦，咁就好啦，我地一齊坐啦。」

「唔該，兩打啤酒。」兩打？呢到三個人，唔係三十個人哇。
「做咩咁望住我？我平時都係飲一打當熱身架。」熱身...但係此時此刻，我想問龍叔好多野。

「好，你想問咩？」
「下？」

「我讀心理學，點會唔知你想點。」洗唔洗咁勁，我真係一句都無講，佢就好似係我個心到偷窺左咁。
「得，唔洗問。」
「我的確係叫白鹿青，隻戒指係我留比你，而我點解一聲唔出走左，係因為...」