《我獲得一個願望，我選擇左係學校做一次男神》: 第六十四章：仇家

控定粒波，諗都唔諗就跑過去，係我前面只有兩個敵人，就係比較矮既冰倫同一個大隻既衛；身形彪悍既後衛好快就比我扭過左，想追都追唔到。

而剩低冰倫同我既對決，我望實佢，佢亦望實我，我一個假腳呃左佢去左邊，估唔到佢速度同我差唔多，追返上黎個陣已經去到禁區外。

「阿峰啊，可唔可以幫我買張機票啊？」
「機票？你要去邊啊？」　
「我想返香港。」
「嗯...你諗清楚架啦？」
「如果你買唔到就算啦，我去揾第二個。」





「我唔係咁既意思，只係希望你真係諗清楚啫。」
「我唔理阿明仲鐘唔鍾意我，我正係想佢知道，我仲係鍾意佢。」

「好，咁既然我能夠造就你地既幸福，何樂而不為？」
「聽到你咁講就好，希望你既祝福真係可以成就我同阿明既愛情。」

「咇咇咇！」球證直指十二碼點，太好了！
「紅牌！」

係禁區入面，冰倫踢跌左我，我亦真係比佢勾跌左，好彩今次球證係公平，公正啫。




「喂！停手！」雙方球員都立即跑過黎，圍住球證講數，但係點講都無用，判左就係判左。

「咇！」「黃牌！」對方再有一人攞左張黃牌，大家既哄動先肯停落黎。

「聽哨子聲先好射。」最緊張既時刻終於黎到，雖然入左都只係打和，但係比賽仍然有加時，我地而家佔盡上風，絕對唔可以射失！
「咇！」

我助跑左五六步，大力一抽，抽左去右邊死角，但係龍門亦同時飛跳起黎...

「Ok！幫你買左啦，咁你要預備下啦喎，後日就返香港。」




「我知道，我亦都無乜雖然收拾，只係去個男人到攞返Passport就得。」
「你覺得佢會比返你？」
「唔比都要比，我話過我要用盡一切方法返去阿明身邊。」
「等我幫你一把啦。」
「你諗住點幫我？」　　
「嗱...」

「咇！」入波啊！
「Yeah！阿明好波！」
睇住咁多個隊友都衝晒過黎，我真係好滾動，但係要知道，我地仲有三十分鐘加時要踢。

「我地只要好似頭先咁，穩守突擊，相信半個鐘之內一定有成果。」
「好，大家加油！」

而家１０個打１１個，的確人數我地更勝一籌，但係阿軒既存在，好似可以踢兩個人分量既位置。





加時階段，大家都踢得好保守，特別係對面隊，因為少左個，所以都唔係點敢攻，凈係阿軒啲遠射有少少威脅，不過無乜邊幾球中龍，仲踢到有啲燥底，所以我地都保持優勢，黎到最後兩分鐘補時。

當球證舉起兩分鐘既牌，我地既眼神都好凝重，知道完左就係十二碼，更加清楚對面龍門既實力，所以我地點都要係完場前攻入多一球。

「阿元，係時候啦。」
「嗯！」

係時候做咩？係時候用我地練左好耐既招式，講到好似卡通片個啲野咁，但係事實上，我相信呢招出黎既時候無人能擋我地。

界外球開出，我控波後立即傳比阿元，我地掉轉位置踢，阿元就係邊線到一跑，我真係用盡全力跑入禁區，而阿元亦準備就緒，如果我呢次失敗，就真係玩完。

一個長傳，底線前彎個波入黎，我亦準備好動作，就係傳說中既倒掛金鉤。

我閉上眼，真係完全唔敢望，雖知自己練習未夠就學呢招係越級挑戰，無辦法，緊急關頭，咩都要用。




我已經感受到個波既來臨，起跳，倒掛，抽射。

我，等緊一個聲音。
「咇！」

當我落地，睜開眼，見到對面個龍門已經訓左係地下，個波亦都慢慢係龍門口碌出黎，見到呢個情景之後，我知道，我得左啦！