《我獲得一個願望，我選擇左係學校做一次男神》: 第四十八章：愛心飯盒

「琴晚訓到而家先起身，而家先收到你whatsapp，sorry：）」

而家已經係十二點，今朝見到晨曦仲未睇到信息，我都知咩事，所以我再次偷走出去買餸，而芊雪夜晚先得閒黎探我，下就有堂上。

「唔緊要，我已經買左青口，其他唔該你幫我買。」

打完呢句，我收起電話，準備行去廚房。


「明仔好！」哇，洗唔洗咁好口，又唔係我比人工你地。





「你好，我係廚房主管，今日有咩幫手就即管講啦。」其實都係簡單既愛心飯盒啫，搞到好似好大陣仗咁...

「咁唔該晒啦，我有事先揾你地幫手啦，費事麻煩到你地啦。」我都唔好意思用盡廚房既人力物資。

望住枱面上單薄既材料，只有青口，天使面，甜品材料，仲有好多野拜託晨曦買，希望佢趕得切係兩點前返到黎啦。


「呼，唔好意思啊，搞到你無野煮。」見到晨曦攞住一袋二袋，都好辛苦，不過唔係咁既話，可以點。





「唔緊要，時間尚可，我已經準備左啲細微既材料，真正既比賽而家先開始。」




我約左芊雪七點鐘食飯，而家只係兩點，其實都好早，不過為求高質素，睇黎我要認真一下。

我已經列好晒等陣同芊雪食咩，即使我整左兩份，但係佢無得揀，只能夠注定食一個我特別為芊雪而做既愛心飯盒。








首先，當然要整左個湯先，而我係會整龍蝦湯比芊雪飲，試問有邊個餵食既女仔唔鍾意呢？前菜就普普通通一個沙律，反而主菜同甜品先係重頭戲。

「晨曦，比一比隻龍蝦我。」我好細心幫隻龍蝦剝殼；希望芊雪飲既唔單只係龍蝦湯，反而係一種由心發出既甜味。




其實見到阿明咁用心做呢餐飯，我都有啲妒忌，點解唔係整比我，不過一切都只能夠怪自己，今次我亦唔會搞破阿明細心設計既一餐示愛飯，愛，真係好偉大。




「哎呀。」聽到阿明叫左一聲，我亦隨即望過去。





「哇，你流血啊。」好明顯，阿明係比龍蝦鉗整傷，但係佢完全唔理傷口，繼續專注係龍蝦上面。

「無事，好快止血。」我立即捉住佢隻手，係櫃攞左張膠布比佢黏。

「我唔想芊雪食到你啲血。」佢點頭微笑繼續處理龍蝦。




「搞定！」過左半個鐘，阿明先處理好龍蝦湯既材料，睇黎阿明真係唔係成日煮野食。

「咁你快啲搞埋個主菜啦。」

我今日為芊雪整既主菜就係白酒煮青口，甜咖哩雞蛋包飯。








時間不斷過去，話咁快已經見到日落既足跡，睇黎我真係要加快速度。

我停低一切工作，望住其他幫醫院煮緊飯既廚師們。

「大家，黎到最後關頭，我想大家幫我一個忙！」




「晨曦，今日麻煩晒你。」





「唔洗，你去做你要做既事啦，祝你地幸福。」好！手攞住一個粉紅色，一個藍色既飯盒，而芊雪即將享用既想粉紅色個個。




「到啦，芊雪？」我約佢坐係花園長凳到等，佢都好乖，好準時。

「嗯，做咩今日係花園等既？」

「因為今日要係花園食野囉。」

我坐係芊雪身邊，但係仍然將飯盒收起。

「你合埋眼先啦，芊雪。」





好，今日咁神秘，睇下你比咩驚喜我。

「可以擘大眼啦。」




好靚，真係好靚。

係我眼前，從前只係無咩特別既草叢，而家用LED燈掛住我個名「芊雪」同一個心心。

「阿明，多謝你。」我望住佢，佢都比返個認真既眼神我。

「嗱，我地今日就食呢個啦。」

飯盒？幾得意喎。

當我打開飯盒既時候，香味已經忍唔住衝出黎，搞到我流晒口水，阿明真係有我心，煮晒我最鍾意既餸。

「咦，咁你個個呢？」

「唔洗驚，係呢到。」

阿明打開佢自己個飯盒，同我個個好唔同，係一啲比較中式既食物，紅燒牛肉啊，三杯豆腐同白飯。

「好香啊，係咪你自己煮架？」

「梗係啦，我用左好多心機架。」

睇得出，一個人用心真係可以睇得出，心思，時間，阿明既一切都放左係呢個飯盒到，我感受到啦。

因為我都幾肚餓，所以我都好迅速就食晒沙律，而我最期待都係主菜。