《我獲得一個願望，我選擇左係學校做一次男神》: 第二十二章：相遇

我自己都估唔到，為左唔想係大學到repeat咁樣衰，我都會努力溫書，如果真係repeat既話，應該係一個笑柄。
所以我決定同芊雪都會定期出黎溫書，悶係悶啲架啦，好似DSE完左無幾耐又要開始溫書。
中大既圖書館環境唔錯，我地都決定以後去圖書館溫書，溫完就去canteen食飯，此時此刻，我只有一個感覺，就係頹。
「好悶啊。」係圖書館裡面，為左保持安靜，唔會騷擾到人哋，我地都係用memo紙去傾計，好經典，亦好回味。
「悶都要溫！係咪想repeat！」雖然只係memo紙上既對話，但係加上佢比我既眼神，已經感覺到殺氣。
唉，就算溫到死，我都要溫，不竟我都應承左阿峰，更加應承左穎心，讀完大學，儲錢佢英國睇婚禮；而家諗起穎心要同第二個男人結婚，心裡面有啲酸溜溜既感覺。
溫到差唔多，我同芊雪都去食飯。原來我讀書都唔差啊，係第一個sem無讀既野，而家靠努力，聰明，都追到少少，辛苦係辛苦啲架啦，幾時聽過讀書溫習係會輕鬆。

係阿明入院既三個月，雖然孤單，但我遇到另一位男仔，為左唔想令阿明傷心，我都無話比佢知。
「哎呀。」好痛，比個男仔撞跌左碗粥添，等陣仲點樣比阿明食啊。




「opps，唔好意思，撞跌左你碗粥添。」我望住呢個男仔，可能有少少MK，或者型過頭，但係好有男子氣概，健碩既身形，黑實既膚色，更加有種震懾天地既感覺。
「唔緊要，我買多碗。」係呢個男仔面前，我會退縮；除左阿明，佢係第二個我認為係可以比到安全感我既男仔，甚至強烈過阿明。
「我幫你買啦，係對面個間粥店？」當佢行緊過馬路既時候，我都不自覺跟住左佢。
「我去買咪得囉，係到等我阿嘛。」呢個男仔既笑容好溫暖，好真摯，甚至可以融化我既小心靈。

「唔該你。」我都報以一個微笑，希望佢唔會介懷心上。
「係呢，你唔舒服咩？做咩買粥食既？」咁搞笑既呢個男仔，病先可以食粥架咩。
「唔係啊，我個朋友入左醫院，所以先買粥比佢食。」
「哦，有你呢個朋友真係好。係呢，你叫咩名啊？」嘻，佢問得咁突然搞到我有啲怕羞添，完全唔似平時我對阿明咁，
「我..我叫芊雪啊，叫我阿雪就得架啦。」嗚...我竟然同人講我叫阿雪，好唔知羞啊。




「阿雪，嗯，幾好聽喎。我叫阿王子軒啊，叫我阿軒得架啦。」王子軒？唱歌個個？定係真係王子？
「王子，嘻。」雖然我同佢要份途，但係緣分藉著一碗粥讓我地認識對方，我相信我同阿軒既緣分，唔會停係到。
「好啦，我夠鐘探我個朋友啦，我地有緣再見啦。」

「喂，Irene？今晚落唔落Club啊？我掛住你啊。」
「唔得啊？好啦，唯有下次啦。」
「喂，Jessie，今晚得唔得閒啊？好耐無出黎飲野啦喎。」
「好啊，咁Star Club見。」

「Hey，Jessie，呢到啊。」Star Club係一個唔係單單有錢就入到去既地方，而且入面係目無王法。首先，你要成為會員，好簡單，投資五十萬，當然投資得越多錢，享用既品質就越高，而且成個Club既野都以投資幾多錢，就比咩你，包括女人，酒，甚至毒品。




「好耐無見啦喎，軒仔。」眼前既Irene大阿軒兩年，無正職，或者留係個Club到就係正職。
「唔好講咁多，飲杯先。」舉起酒杯，飲既唔會係啤酒，亦唔係普通既紅酒，一支最少十萬。

係漆黑既環境中，只有小許既燈光，到處都係玻璃酒杯相撞而發出清脆既聲音，講野既聲音都好細。呢到只有二人座位，中間就係圓形大酒枱，而在後面牆就是貴賓使用既房間。
「今年大學Yr One啦喎，有無比心機讀書啊？」
「讀書？我既聰明才智唔洗溫書都入到港大，你話我洗唔洗讀書啦。」阿軒用單一隻手指托起Jessie既下巴，而且帶凌厲既眼神。
「哼，咁串既。有無諗住帶我去邊到玩啊？」
「我啱啱買左架遊艇，想唔想試下？」
「你叫到，一定聽你話。」
「好。」阿軒毫不猶豫咁錫落Jessie到，雙方一直吻著，阿軒亦輕輕的摸著Jessie的秀髮，雙方越吻越激烈...