《每個人點都要食一次檸檬》: 把戲

我同西西就係咁樣，慢慢傾下玩下咁，就咁熟左。

一開始好多人都係孤僻架啦，但相處落一，兩個月度，大家就會開始熟稔起黎。

而婷婷佢，唔係，係晶婷先岩。

的確佢係好吸引我，但佢俾我既感覺係一座打不破既冰山。

而西西佢就好好相處，至少依家我同佢相處得好舒服，但佢又唔似係鐘意我。





我當然係對佢無意思啦。

「迪迪仔，借支筆黎啦。」佢話口未完，就已經拎左我隻筆。

「喂﹗我又無話借俾你。」我不滿咁講。

「我知你唔會咁小氣既。」佢笑笑口咁同我講。

「你又知﹖你借還借，一陣間英文小測呢…幫幫手呀。」我有小小央求佢。





因為我知佢英文好…但佢次次都唔肯幫我。

「幫你個頭呀，好心你就自己溫書啦，呢d咁既單詞仔有咩難到你呀﹖」佢不屑咁望住我。

「我最憎英文架啦，最多我教返你數學啦。」我試圖誘惑下佢。

唔知點解呢，通常好多男仔英文就特別差，而好多女仔就係數學特別屎。

到左我高form既時候，我先知，原來大把男仔教女仔數學而成功食女。





「超﹗我先無你咁無出息，我靠自己既。」佢好有自信咁講。

「頂﹗咁我唔借俾你架。」忍唔住爆左小小粗口。

「哼﹗」一聲，但係無還俾我，反而背住我，收埋我隻筆。

果陣時小學雞，覺得d筆好貴好直錢。呢一種殘餘既思想，我將佢帶左黎中學。

「小氣鬼！」我地用小學雞術語黎到溝通。

西西佢仲要搬走左張枱，令我地之間出現一條楚河漢界。

果陣時呢條楚河漢界有個朵架，叫「三八線」，又名「情越三八線」。

「拿，你唔好過界呀，呢條『三八線』黎架。」佢一臉天真咁講。





佢好鬼死調皮，不過咁先顯得佢無厘頭，夠曬可愛。

佢仲以為咁講我就唔會過界？

就好似一個有心要強姦你既人，你話「唔好呀，再行埋黎我嗌架。」

你覺得一個要強姦會唔會驚你嗌呀那？

於是我伸手諗住去搶返隻筆，去拎返屬於男人既尊嚴。

點知佢轉個頭偷睇到我，知想我搶佢筆。

佢碌大隻眼望住我，下一個表情就係嬲嬲地既表情啦。





仲用手輕輕力打一打我，「喂！叫左你唔好過界囉。」

「咩姐，拎返都唔得咩？」我扮曬可憐咁講。

「下？支筆我架。」佢眼都可以唔眨一下，女人講大話真係神乎其技，演技咁好既？

係呢個時候，我地既英文老師就入左黎。

佢係李Sir，睇個樣唔算後生，又唔算老咁，30幾歲到。

加上佢帶點英氣，成熟既味道。成日帶曬西褲同埋襯衫咁。

去到高form先知，原來佢咁樣食過唔少學生妹。

那，我都係聽返黎架炸，是咪真既我就唔知啦。不過佢就一路都係單身，所以可以明正言順（肆無忌大）咁去食女。





條粉皮我上佢堂已經好谷氣架啦，對住我地d男仔就粗聲粗氣咁；對住d女呢就陰聲細氣咁。

簡單黎講姐係狗公。

而偏偏d女就好受落，因為聽講婷婷好似對佢有意思。

點睇得出？因為婷婷佢上堂果陣會成日借d意去問野。

其他堂又唔見佢咁積極，加上佢問野既眼神……

真係呃唔到人。

做到咁出面，已經唔係第一個咁講佢，係班上面好多人都咁覺得──婷婷鐘意李Sir。