《每個人點都要食一次檸檬》: 不知不覺(下)
=16px哇，大姐，真係唔識點接落去...
=16px雖然個語氣係笑笑口咁，但聽落都難免令人覺得唔好受。
=16px但如此抗壓既我，又點會將呢d小事放係心？
=16px返到課室，仲未打鐘既，佢係書包搵左樣野俾我。
=16px係書籤。
=16px「那，俾你架，咁你咪唔洗去買囉。」佢呢一下舉動著實令人覺得窩心。
=16px但細細個既我唔明，好天真咁講，「多謝你喎。」
=16px仲要面帶笑容咁講。
=16px我見到佢無理我，怕怕地羞咁，同我期待既畫面差唔多。
=16px人細細個天真幾好呀，識既野少d，煩惱都少d，人都開心d。
=16px就係咁樣我同西西先fd得到，當時既我都估唔到。
=16px個書籤，佢一俾左我，就一直keep到依家......
=16px當時既我無將呢個書籤放係心，只係將佢放埋一二邊，我記得係有帶返屋企架，但帶左返去之後就唔見左，想用既時候都搵唔返。
=16px咁當然我都無帶本書返學校睇啦，廢是惹佢懷疑。
=16px但西西就拎埋本書返學校睇，仲睇得好津津樂道。
=16px「喂！西西，咁早返黎睇書呀？」
=16px我見班房無咩人，仲以為我第一個返到添，我平時都會早15分鐘返到學校。
=16px「係呀，本書我擺左係學校，屋企人唔鐘意我睇呢d書，所以咪提早返黎睇囉。」
=16px佢都幾開心咁同我講。
=16px開左學成個禮拜到，佢第一次同我講咁多野，仲要咁開心咁講。
=16px當然我都好熱情咁同佢講，「你平時都咁早架？之前唔見你咁早既？」
=16px「哦～因為我去左小食部食早餐呀嘛，今日我食完先返學校。」
=16px佢放低本書，專心咁同我傾計。 =16px「係呢?你住邊架?」我放返好個書包，都專心同佢傾下計仔先。
=16px「我住呢頭炸嘛，行返學都唔洗5分鐘。」都幾方便喎真係。
=16px「難怪你可以咁早返黎啦，你起身既時候，我應該岩岩好出門口炸。」我托住頭咁樣望住佢，同佢傾計。
=16px之前同佢傾正係為左睇婷婷，今次我係真心想同佢傾。
=16px「哈哈，都可能係既...你住邊架?」佢問返我。
=16px「我住XXX都差成5-6個地鐵站架，好早就要起身。」
=16px「哇，咁你咪要好早起身?」我地兩個對到眼，但我無避開，選擇直視佢。
=16px但佢就依然怕怕地醜，我平時面對開女仔，根本唔知咩係怕醜。
=16px「係呀，不過算啦，開學早d起身無咩問題既，可能之後就唔會咁早返架啦。」
=16px「呀，你份人都幾懶架喔。」
=16px「緊係，我份人懶得就懶。」
=16px「咁你依家咪好眼瞓囉。」佢笑咪咪咁講，不過都俾佢估中，我的確係幾眼瞓。
=16px我打左個呵欠，「你一講起我的確有d眼瞓。」
=16px「但我瞓左你咪會好悶囉﹗唔得，我唔瞓架。」
=16px佢俾我呢個舉動整笑左，輕輕咁「哈哈」左兩聲，笑到見牙cool唔見眼咁。
=16px但今次佢好似無咁尷尬，笑得反而開懷左。
=16px「你真係好傻的嗎，你唔係度我都唔會悶囉。」 =16px「我唔係度同你傾下計，你會仲悶呀﹗」我起一起身，去書包度睇下有無咩作業未做。
=16px中學生，最緊張既就係有無做齊功課，呢個係岩岩升上中學既我，知道既事。
=16px去到後未仲點會同你做功課呀?
=16px「其實呢...」西西佢無啦啦轉到好認真咁同我講。
=16px唔通係...莫非係...難道係...
=16px同我表白？？ =16px「我黎到呢間學校真係無咩朋友，因為小學無人陪我升到呢間中學。」佢哀愁咁講。
=16px「其實我都唔想無朋友咁悶，但無耐我份人對住陌生人就好內向，但一熟絡左之後我就好癲。」佢好坦白咁同我講。
=16px「其實我都係架，我都一樣無朋友升上黎呢間中學既。」
=16px「下?睇唔出喎，你好似好多朋友咁。」
=16px「哎，呢d好閒炸嘛，一次生，兩次熟，三次就一鑊熟架啦。」
=16px對於識朋友呢方面，我簡直係駕輕就熟。
=16px「對我黎講難呀嘛，我邊似得你咁厚面皮姐。」佢用手指輕輕咁篤一篤我。
=16px「其實你都幾玩得呀。」同之前既感覺唔一樣。
=16px「但係要熟左先囉。」我幾認真咁講。
=16px「緊係啦，要睇人架嘛，唔係咩人都熟得既，小學都已經知啦傻仔﹗」
=16px依家開始有人返黎，通常早5-10分鐘，d人就陸陸續續返黎。
=16px所以我地講野都細聲左，但佢地對我地既行為見怪不怪，坐埋一齊無野講先怪啦係咪?
=16px「岩岩識你同你坐果陣呀，我仲以為你自閉添架﹗」我已經開始串佢。
=16px「我夠估唔到你咁傻的嗎啦。」佢不甘示弱，串返我轉頭。
=16px-----------------------------------------------------------------------------------------------------------------------------------------
=16px真正鐘意上一個人，係不知不覺。
=16px日久不一定生情，但日久一定見人心。