《每個人點都要食一次檸檬》: 出頭

「李Sir黎左啦，唔同你玩啦﹗」我認真咁同佢講。

佢意識到老師黎到就要認真。於是都還返支筆俾我，合返埋張枱。

咁當然，一黎到就要小測啦。

李sir一如往常咁，派卷，計時，然後做自己野。

我見到份卷，望下呀西西，佢已經用緊神速既技巧去做緊佢份卷。





佢完全唔洗諗咁制，一見到就填，就寫啦。可見佢有幾勁啦。

我正係見到一堆我睇唔明既文字，於是就放棄。

合埋份卷就倒頭大睡。

訓左無左耐，就有人點一點我。

我起身睇下咩事啦，原來係西西點我既，睇佢個樣已經係完成左份卷啦。





但佢既視線卻一直望緊前面，我都知唔對路架啦。

係李sir行埋黎。

佢拎一拎起份卷，目無表情。

「林迪一，做咩事一題都唔做?」佢質問我。

我訓係張枱度答佢，「唔識做咪一題都唔識囉。」我串返佢。





「企起身﹗」佢當住全班咁樣兇我。

咁都忍得仲係男人黎既?老鼠屎都食得啦咁。

加上大男人既我，要面架嘛，又唔想衰俾婷婷睇。

年少氣盛既我，用力咁向前推一推張枱，好有型咁企起身。

果一個moment，就好似<<那些年>>既柯景騰咁，好有型咁為沈佳宜企起身。

「姐係無溫書?」佢一手拍落去我張枱度。

我林迪一驚都無驚過，「溫左都唔識﹗」

我見到李Sir就黎俾我激死，但係我就睇得好爽。





係呢個時候，我隔離果位西西小姐就企左起身。

「李Sir，佢真係有溫書但唔識架，岩岩小息佢有問我架。」呢個正義向左走向右走好向左走向右走正義咁幫我出頭。

「係？」李Sir以不解既眼神望住我。

「咁你以後負責教佢，」佢個死人語氣呢…真係！非文字所能形容我依家啖氣。

「教唔抵呢我唯你是問！」佢好嚴肅咁同西西講。

「繼續測驗！」佢大聲咁對住全班講。

真係好無面……





我坐返低，然後同西西講，「Sorry呀。」

呢句Sorry我真係好有誠意架，唔係講笑架，佢當眾出醜喎，係人都會唔開心啦。

點知佢無理到我，擰埋左一邊。

咁我緊係以為佢喊，唔想俾我見啦。

咁我就拍下佢膊頭，安慰下佢，「唔好喊啦，再喊就唔靚女架啦。」

我真係唔識氹人，都係得呢d咁上下既台詞架炸。

「我都無喊！」佢擰轉面望一望我。

我睇得出佢既委屈既，「只不過我唔想理你姐。」佢講呢句既時候都幾認真既。





聽完呢句之後，我就唔敢再搵佢，我都要面架，你唔想理我，你覺得我會唔會理你？

如是者我地差唔多成日都無傾過計，見到都扮見唔到架，小學生好興架。