最後一單大茶飯: 03

係咖啡因既作用下，
我靈光一乍，係一個名，依個名就係搞屎雄。
 
搞屎雄曾經幫葉繼歡同張子強做過野，可以話無搞屎雄既話，佢地唔會有今時今日咁既地位。
 
聽講依家佢都撈得唔錯，住洋樓，養番狗，結埋婚。
 
我快快脆，食個包，飲杯茶，埋個單，再老笠一個人賺番d車馬費先去老蘭。
 
係夜晚既老蘭充滿一種難以形容既味道，我唔知係個D鬼佬獨特既味道定係D港女hi大左唔記得沖涼既味道，抑或其實只係酒既氣味呢。




 
我去左搞屎雄係老蘭既一間夜總會。
夜總會門口，排左成堆人，等緊下一場入去。
門口有兩個戴住黑超同阿諾舒華辛力加咁上下既大隻佬。
 
我諗食大茶飯，實可以行使特權，唔晒排咁耐隊。
Hi Auntie，點知我行過去同個大隻佬講︰「我係黎食大茶飯。」
佢不但唔比我入去，又用沙煲咁大隻拳頭威脅我，仲唔知係味係度用國語同我講野。
 
好似係咩︰「油！甲嘔。」(You！get out)




 
我唯有死死氣行去個條好似離我有十萬里遠距離既隊尾。
 
我一路行，一路觀察隊既人，有mk仔，有mk妹，又有D牛高馬大既。
 
其中一條友面目猙獰，佢個look好似D古惑仔，著住件黑背心，左手既手臀上刻左條青龍，右手係一隻白虎，
我認定依條友一定係想食大茶飯，我等陣一定要搵佢分一杯羹。
 
等左差唔多半個鐘，條隊陏了。
 




我辛辛苦苦由隊尾行到門口既位置。
 
Hi Auntie，阿諾舒華辛力加又唔比我入去。
佢指我住件衫話咩︰「諾諾諾。」(NONONO)