最後一單大茶飯: 04

身為一個大陸落黎既專業賊佬，我當然無著得好顯眼，
我著緊件格仔襯衫，同埋闊腳牛仔褲。
 
無理由喎。唔通我個look唔夠pro？惟有去改變一下。
 
睇住黎啦，舒華辛力加，I will be back。
 
我決定去附近個間寫住h&m既店鋪。
入去買左件黑皮褸，窄身黑皮褲，戴埋副黑超，個look即刻成個未來戰士咁。
 




我返去阿諾舒華辛力加個度。
佢好似比我依一身既造型嚇呆左。我不禁覺得威風凜凜，亦感嘆世態炎涼，原來出黎行個look真係咁向左走向右走重要。
 
無論如何，我終於順利入左夜總會。
 
夜總會入面環境黯淡，空間幾闊落。
中間係一個舞池，舞池地板會不斷閃下閃下，為上面既舞者增添唔少氣氛。
側邊有一d檯檯櫈櫈。
 
後面係bar枱，有一個調酒師，個穿住西裝背心，樣貌都幾靚仔。




我穿過中間令人喘氣既人群，行到去吧枱度套料。
 
「喂，瀨屎雄係邊到？」我脫口而出。
 
調酒師既表情怔一怔。
睇見佢既表情，我先發現自己講錯野。
 
即刻改番口。
「Sor、Sor、Sor，大佬。」
「應該係搞屎雄先岩。」




 
調酒師帶左我去側邊走廊，行到最尾一間房。
「喀喀喀。」佢敲起門。
「入黎。」我聽到一把年老既聲音，夾集一d女既歡愉聲音。
 
打開門，發現而家係一間k房。
房入面有一張小既長方枱，有一男兩女坐係度。