最後一單大茶飯: 02

近排我終於儲夠錢，去深水涉鴨寮街買左隻錶，幾日就壞向左走向右走左。
好，好在佢唔會爆。

唔係手都無。唔係唔知以後點做野。

 
老笠番黎既錢，捉襟見肘，僅僅可以過下日子。
 
我拎住岩岩老笠完既辛苦錢(當確係辛苦錢，老笠十個都唔知有無一個比錢而唔係比條底褲我)去左輝記茶餐廳，
叫左個波羅油，加熱奶茶。識叫一定咁叫。




 
輝記d波羅包熱鬧鬧新鮮出爐，熱奶茶濃郁而又香滑。
我最鐘意老笠完人之後，過黎食。
 
我問岩岩將野食遞上黎既輝叔︰「喂，輝叔點解D人成日要D7689。」
輝叔就話︰「好意頭囉。」
「下，點好意頭呀。」我唔係幾明。
「入面有兩隻九，代表你可以活到九十九歲。」
「七六八呢？」
「未姐係你可以有七個老婆，八個妾侍。」




「原來係咁樣。」
 
遲D我做完大荼飯，一定要買部車，車牌一定要用依個D7689，我就可以衣錦回鄉，揸住間車返大陸。

依鑊我仲威唔過海洋公園個威威。

 「痴q線啦，你地識唔識野價，雷到死。」
眼見講野既係一個頭染金毛既MK仔。
 
「689味係特首囉。」




「特首？」我同輝叔異口同聲。
「唔係領導咩？」
「原來係大陸拎。唔怪得知啦。」MK仔白我地一眼。
 
「擺領導個名係車牌，都好威姐。」
個MK仔聽完我講依句野，佢頭也不回咁樣走左。
 
「Hi Auntie佢個奶呀，個靚仔仲未比錢就走左。」
輝叔憤怒了。
 
我並無理會輝叔既憤怒，而係開始係到諗，我要點樣先可以開始我既食大茶飯計劃。