最後一單大茶飯: 26

我繼續搵聲音既來源。
 
行返出樓梯口，探頭向下望。
 
係一對對黑色閃亮既靴，聲音既來源鐵定係佢所發出黎。
 
物似主人形，黑靴既主人們同樣係黑色既，佢地既臉上皆被漆黑掩蓋，只靜番兇狠既眼神，同埋性感既嘴唇。
 
敏銳既直覺話比我知，佢地唔好惹。
 




 
我即刻一個轉身入番安全屋。
 
果D致命既答答答聲音係我既耳邊褪下，但我知道我地既時間變得好緊急，好短促。
 
「依護大拎護，出面成班黑衣特警係道。」我驚慌失措咁叫出黎。
 
屋內既人聽到我講既野，無一不擺出驚慌既樣。
 
「無可能既，佢地點可能知我地係依道既？」




連平時見慣大場面既搞屎雄，佢臉上既然出現一滴滴既汗水。
 
「J神，佢係邊？」
「我搵過厠所，唔見佢。」
 
「Hi條契弟實係反骨仔！」
 
小張跪係一角開始係道作無聲既哭泣。
 
「J神，佢點可能係二伍仔呢？」




我諗起個日我地稱兄道弟咁飲酒，佢對我講出對小張個份真摰既感情，
酒後吐真言既俗語，唔通只係用黎扼一d未經世俗風塵沾過既人？
 
我用我對雙眼，見證J神由一個笨手笨腳既偽毒，蛻變成一個真材實料既漢子。
 
我唔相信，我唔相信J神會係一個咁既人。
 
整間屋此刻有一股好複雜既野係到盤旋緊，係被欺騙既悲痛，係被背叛既憤怒，係無法接受現實既沉默。
 
答答答…答答答，咁D令人煩躁既聲音又出現，而且越來越近。
 
「我地依家點算？」小張用佢個把無既聲線講將家拉返至現實。
 
搞屎雄並無理會佢，佢好似恢復左冷靜，拎出電話。
 




「喂，古明華，而家咩狀況？」
「你就快到西貢？你後面係咪有車跟緊自己？未有！？咁你燒左d貨佢。」
 
佢講完電話，
「砰」門口繼而係一道爆破。
 
說時遲，那時快，
我望見成個紅牛罐頭形狀既物體掉左入黎。
 
我雙眼充滿既再唔係驚愕，而係一片光明，光到隻眼會痛果種光。
 
同時，我feel到我比人推左落地下，跟住後頸傳黎劇烈既痛楚。
 
唔知過左幾耐，我既視力終於勉強回復，
只能望到朦朧既黑影係一片白光之中圍住我，




果種feel真係同上左天堂差唔多。
 
我覺得係依一刻我死左。
 
但係我諗真d，我去左食大茶飯，點可能上到天堂。
 
我意識到我仲係活生生既。
 
我嘗試用雙手感受一下自己活生生既肉體，
遺憾既係我雙手都比人鎖住左。
 
沒幾耐，白光化為一盞燈，朦朧既黑影化為清昕既線條，
係我面前既係一睇就知好有前途既年輕人，
頭係周柏豪，臉係梁潮偉，身著住西裝，出到街一定大把女追。
 




「你終於都醒啦。」
 
無可能既，依把聲未係屬於J神既，點可能出現係一個有為青年既身上。
 
「你……你係J神？」
 
「衰鬼，好耐無見。」
 
聽到佢咁講，我即刻有一個衝動想揼佢。
 
「Wowowowo，take it easy man。」
佢一副好輕鬆既語氣，令我更加想揼爆佢塊死人臉。
「想打我呀？」
佢係身上某處拎左串鎖匙出黎，係我面前搖下搖下。
 




「你知唔知，我做鬼做左幾耐？」


植入式作者的話:
小弟平生無咩叻，最叻係道FFd故仔，
如果鍾意我既作品，歡迎黎我既專頁​https://www.facebook.com/graylittledog/ 
比我一個Like，比我知道你既支持，比我有更大既動力去創作。

想睇我其他作品，或者想追故仔最新既動向可以去依道
https://www.shikoto.com/author/11830/%E7%81%B0%E8%89%B2%E5%B0%8F%E7%8B%97.html