最後一單大茶飯: 27完

「我剩係知你背叛左我地。」
 
「係三年…」
佢並無理會我，繼續係到講。
 
「三年之後，又三年，十年都黎啦。」
 
「你知唔知，我點樣係依十年既人生活過黎？」
 
「每日，我都要同自己講，我個名叫Jason，我從少就比人玩，所以我立志做古惑仔，玩番人地。我幾驚比人聽到依段心底話，但我終於捱到過黎。」




 
「唔通依D都係假既咩？」
 
「我阿頭話我外表點睇都係一個死毒撚，實無人會懷疑我，所以就派做我去做鬼。」
 
「唔通，你同我地一齊咁耐，一D感情都無咩？」
 
「你地班友諗野咁out data，依家道義可以當飯食咩？有奴性就得啦。你去食餐大菜飯，當你真係分到一百萬，剩係夠你上樓，做樓奴。上到報紙，上到電視，人地最多記住你一個月，之後大家繼續做生活既奴隸，而家D人剩係記得玩部電話。」






「而我就唔同，我可以番入去做番我本來就係既人，過番d我應該過既生活。」
 
「咁小張點？你唔理小張？你唔係想同小張結婚咩？」
 
「Hi，我講左咁耐，你究竟有無聽既？」
「一切都係我既演技，我唔會再同你玩果d江湖道義既遊戲，小張的而且確係一個幾靚既女仔，但咁既事已經完全唔關我事啦。」
「無可能既，無可能既。」
係依一刻，我崩潰了。
 
「你不如諗下定樣坐少d好過啦。」




「刑事坐三到七年走唔甩。」
 
J神既語氣好似軟左落黎，
但我已經咩都唔想理。
 
我只係想用雙手掐死眼前依個冚家拎。
 
 
 
J神
 
我唔知可以點樣面對我眼前依個人。
 
我都好想留係果段日子，
果段有道義又有浪漫既日子。




 
阿頭透過雙面鏡睇住我既一舉一動。
 
我可以想像佢臉上既表情，
係冷酷既，係無情既，或者仲有一個冷笑掛係佢塊臉上。
 
相對眼前依塊臉，成果紅蘋果咁
佢用力用對眼望實我，
我知佢想點。
 
我知佢實好想掐死眼前依個冚家拎，即係我。
 
小張，我的確愛佢。
 
我一生只愛過兩個人，一個係老母，一個係小張。




 
但我愛佢既時候並唔岩，我愛佢既時候係一個古惑仔，我只好將對小張既愛，對底褲佬既兄弟情留番比古惑仔既我。
 
依家既我係一個差人。咁樣講，好似有點唔岩，我…我其實由頭到尾到係一個差人。
 
眼睛上既淚水終於忍唔住流出黎。
 
「我係…我係差人？」
 
我將鎖匙插入去個果冰冷既鐵鎖。
 
果對我再熟悉不過既雙手，
好用力咁樣懷抱住我條頸。
 
好快，我呼吸唔到，我feel到我休克左，姐係釘左。




 
眼前一片黑。
依個就係死後既世界？
 
睇黎我有無食大茶飯都無咩分別。
 
不過依個始終係我臨死一單響名全港既大茶飯都唔錯呀，
起碼死得風風光光。
 
 
 
J神死後，
我被判終生監禁。
 
聽講搞屎雄同小張行為良好只係坐左四年就出番黎，




古明華唔見左影，好似潛左番大陸。
 
個單大茶飯果然響遍全港，但同J神講既一樣，過左幾個月，我無再係監獄聽道有人講依單野。
 
自此之後，我再無聽到人講大茶飯依三個字。

植入式作者的話:
小弟平生無咩叻，最叻係道FFd故仔，
如果鍾意我既作品，歡迎黎我既專頁​https://www.facebook.com/graylittledog/ 
比我一個Like，比我知道你既支持，比我有更大既動力去創作。

想睇我其他作品，或者想追故仔最新既動向可以去依道
https://www.shikoto.com/author/11830/%E7%81%B0%E8%89%B2%E5%B0%8F%E7%8B%97.html