最後一單大茶飯: 25

 
跟住我地就各走各咁返左去安全屋。
 
我選擇坐地鐵，因為佢又快又底，需然佢始終係只有可加無減既機制，但佢始終係我地依D基層市民可依靠既交通工具。
 
我開始係到想像自己用大茶飯拎返黎個D水去買緊車，唔知一架法拉利要幾多想買到啦。
 
我渣車果個樣一定好有形。
 
諗下諗下，已經去左安全屋度。




 
安全屋係一座工業大厦裡面既一個單位。
 
「之前政府係咁掃走D住戶單位，我幾驚個單位會遭殃。」搞屎雄話。
 
「你依個都算住戶單位咩？」
 
個單位有廚房、有客廳，客廳有張床係到。
 
「都幾精緻啦，係掙個獨立廁所姐。」




 
「我棟唐樓都好過你依道啦。」
 
「依個價錢黎講，佢算唔錯既啦。」
 
「J神，你無野呀？」小張見到J神仍然悶悶不樂，就去關心佢。
-
「無…我邊到有野姐。」
 
「你唔好扼我啦，你臉青口唇白黠會無野呀？」




 
「小張，我點會扼你姐，就算我扼遍全世界都唔會扼你。」
 
「我只係有點肚痛，唔洗咁緊張。」
 
不知不覺，佢地兩個額頭已經相連係一齊，結合為一體，佢地既身影就如同兩隻潔白既天鵝互相將自己既頭相倚在對方上一樣美麗。
 
睇到我心都寒埋，個心簡士直好似比人挖走左一樣。
 
我決定攞到錢之後，要去叫叫雞、沖沖喜，沖走晒依d悲傷既感覺。
 
「喂，你發緊咩夢，我同你講緊野呀！」
搞屎雄把老牛聲將我從悲傷既幻境拉至殘酷既現實。
 
「做咩？」




 
「我等陣分錢比你地。每人一百萬。」
「咁快手，唔洗將d貨收埋避一避風頭先咩？」
「洗Q咁麻煩咩，啦啦聲掉比黑市賣左佢，未唔晒煩囉，唔通要等多十幾甘年先有錢拎，D貨變晒古董都唔值錢啦，你未等到都餓死啦。」
 
「哇，而家真係方便，咁你d貨現家去左邊？」
 
「古明華車緊d貨去西貢，將D貨比人」
 
半刻，J神走左出門口。
 
「你去邊呀？」搞屎雄問。
 
「都話肚痛囉！」佢好大聲咁回搞屎雄。
 




「噢，去厠所。係走廊盡頭。」
「我好快就返。」佢好溫柔咁同小張講，講完就頭也不回地走左。
 
「我等你。」小張雙眸充滿柔情，係對愛人專屬既眼神。
 
J神依條友始終都無變，有異性就無人性，唔知佢幾時請我去飲呢？
 
咁岩我又有d尿急想去厠所，所以又急急腳出門口。
 
「我去厠所呀。」
 
「噢，去厠所。係走廊盡頭。」
 
「你岩岩未講過囉！」
 




「係咩？我可能老囉，唔記得咁多野。」
搞屎雄可能真係老，依加先發覺佢個頭都差唔多係白髮，
只能感嘆時間不曉人。
 
不過老還老，馬照跑，尿照屙。
 
走到走廊既盡頭，見到一道防火門。
 
從防火門上面果個窗可以見到厠所門口同埋個樓梯口。
推開防火門。
 
聽見有好多答答答…既聲音。
 
心諗J神條友一定係忍左好耐屎，現家黎一個宇宙大爆發。
 




入到果厠所，敲敲坐厠既門口。
 
「J神，你無野呀？」
 
無人反應。
 
答答答既聲音就越來越大。
 
我再敲。
 
仍然係無人回應。  
用力一推。
 
咦！道門無鎖既？
 
我心裡暗暗hi左一聲唔係咁邪呀。
 
d答答答既聲音究竟係邊到傳出黎既呢？