最後一單大茶飯: 24
愚蠢既路人繼續係道睇J神表演,手上都係一部被刻上比人咬左一啖既蘋果手機,並唔知道等等要發生既係轟動社會既大事。
店員開始嘗試驅趕人群。
好快,搞屎雄又落下指示。
店裡面,傳出一陣陣既槍聲。
我地已經戴好晒面具,匆忙咁入左去。
店裡面,並無任何一件輝光閃耀既金器,反而每一樣既物件都有個比人咬左啖既蘋果係身上,唔通依家一個比人咬左啖既蘋果比果D價值高昂既金器更加值錢咩?
內心開始出現一絲絲既疑問,但唔洗一陣我就打消左依d疑問,搞屎雄始終寶刀未老,畢竟佢當年係葉繼歡既幫手,葉繼歡背後既男人。
我又點可以唔相信佢啦。
「J神已經將閉路電視打爛晒。」
「你地快D去樓上果櫃檯後面道門果度裝貨。」
「記得拎職員證先入到去。」
耳邊傳黎搞屎雄淡定既聲線。
岩岩好不熱鬧既光景,只淨番慘泣既喊聲,
都屈服於係J神既淫威之下。
係依個時候,佢都不忘擺出一個好形既「泡屎」。
「點呀,我形唔形呀?」
我都唔輸蝕將地上其中一個員工既衣領揸起,一手將槍口頂住佢果額頭。
「你張職員證係邊?快D攞出黎!哇做咩你果褲襠濕撚晒?」
「大佬,我…今…今…日岩…岩做intern就遇到d咁既事,好難唔瀨尿,我比張證你,你唔好話比人知呀。」
佢跟住就遞住張職員證比我。
「見你咁乖,我就唔話比人知你今日瀨尿啦。」
「多謝大佬。」講完依句佢就暈左過去。
好快,我同小張就衝左上去,J神就留係下面控制情況。
樓上係一片荒亂,
我同小張好快就控制好。
盡快入到果房入面。
用職員卡拍一拍門隔離果個裝置,好順利就入到去。
發現裡面有好多白色既包裝,當然都係充滿住果個被咬蘋果既標誌。
「咁多野,點知邊樣值錢呀?」
我透過耳機向搞屎雄發問。
「有個8字既就係啦。」
「搵到啦。」小張唔洗一陣就搵到。
果然d貨既白色包裝上面刻左「iPhone8」既字眼。
我地裝依D貨裝入我地帶黎果六個大袋入面。
![](http://file:///C:/Users/KEVINT~1/AppData/Local/Temp/msohtmlclip1/01/clip_image001.png)
「D貸裝好就快D走啦,D死差佬就到啦。」
我同小張即刻將袋拎落去。
跟住將我身上果四袋其中兩袋比埋J神。
我地即刻狗衝走去。
「古明華佢地出門口啦。」
「收到。」
果然不出搞屎雄所料,係不遠既地方已經傳黎警車既聲音。
話咁快,古明華既車亦係此時到達左,我地一個躍身,已經入左車廂入面。
只見古明華將油門踩到底,高速離開現場。
警車並無追上黎,睇黎我地已經成功逃脫。
「雄哥話保險D,我去換車先,跟住你地分頭到安全屋碰面。」古明華講。
依個時候,我地臉上已經除晒面具。
係一個無咩人既地方,古明華將車停左。
隔離係一d咪錶車位,泊左幾部私家車,我地落住車。
古明華將其中一部賓士車啟動,我地將d貨放入車尾箱,佢就開車走左。
「我地今次仲唔係做左單勁野出黎。」我好自豪咁講。
「我都終於幫我老竇完左心願啦。」小張臉帶喜悅。
只見J神都係悶悶不樂咁樣。