最後一單大茶飯: 23

「聽日，就係我地大茶飯既大日子。」
突然，搞屎雄又唔知係邊度行番黎。
 
佢眼中有一團火，我估依團火係對聽日大茶飯既期待。
 
貨車隨住路上既凹凸而搖曳，光影掠進，又逝去，不斷交替。
車上每人既表情係光影既映照下都帶住各自獨特既抱負。
 
有既係為左實現父之遺願，有既為住自己女神，有既係為左忠義，而我當然係為左名譽，但係依D不同既抱負下，缺乏左一個野心勃勃既老屎忽。
 




我忍唔住打破沉默問︰「Hi，一大早出發，到依家都未見到搞屎雄，佢去左邊撚度？」
 
揸緊車既古明華就講︰「唔洗擔心，雄哥一大早就去左食大茶飯既地方去把風。」
「原來係咁。」
 
「我地到底去邊度食大茶飯？」J神問。
「到左你就知啦。」
 
唔知點解，J神今日既表情特別青白。
「你無事呀？」我拍下佢肩膀想安撫下佢。




 
「無，為左我既女神，我點會有事。」
J神講依句既時候特別大聲，應該係想講比小張聽，
 
小張笑而不語。
依D真係收兵既最高境界。
 
 
半晌，車停左落黎。
 




「到左啦，我地依加要等雄哥指示。」古明華講。
 
往窗外一睇，係一座好靚既建築物，全身都係白色，仲要有落地玻璃，但我可以肯定佢唔係金鋪，因為我從來未見過金鋪上面會有一舊比人食左一啖既蘋果。
 
「我地去食蘋果？」
J神話。
 
依個時候，我聽到電話「滋滋」既震動聲音。
 
「喂，雄哥？」
 
無幾秒，古明華就收左線。
 
「行動啦。」
 




我地各自拎出一個紙皮面具，而每一個面具既正面都印上一個賊界既代表，小張係張子強，古明華係季炳雄，我係葉繼歡。
 
J神就話自己鍾意梁朝偉，所以就貼左梁朝偉上去。
 
接住，我地戴上古明華比既耳機。
 
「試咪，試咪，一、二、三、三、二、一。」
耳機入面傳出一把蒼老既聲音，無錯就係搞屎雄既聲音。
 
「聽唔聽到？聽到講聲Hi。」
我地異口同聲講左聲Hi。
 
「好啦，我地今日既大茶飯計劃依家正式開始，我地大茶飯既地點就係而現家眼前既蘋果店。」
 
「依加先檢查自己d炮解晒保險未？」




 
車廂內發出咔嚓、咔嚓既槍械聲音，每枝都係可以奪人命之物。
 
「ok。」
 
「咁樣照計劃開始啦，J神你先出馬先，跟住其他人慢慢跟係佢後面，古明華開住車係附近兜下圈先。」搞屎雄清晰地下指示。
 
J神聽到後戴上面具，打開車門先行衝左入去，
而我地散開慢慢係人群中慢慢跟住佢，古明華則係開走左部車。
 
本身J神帶住一個梁朝偉面具已經十分引人注目，
佢入到個蘋果店之後，大把人圍住佢，可能真係以為佢係梁朝偉都唔假。
 
「我有個i，我有部phone，嗯，i-phone。」佢開始係到做一點奇怪野，但其他人又係到喝采，
真係唔明依加個世界點運作既。