最後一單大茶飯: 22

我感到好驚訝，原來搞屎雄所講既水魚係大名鼎鼎既張子強又名大富豪個女。
 
「我都唔知張子強有一個女添。」
 
「當年我老竇被大陸d公安捉左去。」
「我阿媽幾經轉輾，終於先帶到我係佢比人判死刑之前去見佢。」
 
「佢同我講，我大富豪有咩做唔出呀？李嘉誠用一個月賺番黎既錢我用一日就擺到。」
 
「而家，比人判死刑。我點會就咁就甘心啦。」




 
「阿女，以後你要做單勁既。」
 
「講完之後，佢就比人拎左去槍決。」
 
「所以你係想實行佢既遺願？」
 
「無錯。」小張用一把堅強既語氣。
 
我諗小張依刻心已決，無意回頭，一心只係到想幫自己老竇。




 
半晌，只聽到J神係到喊。
 
「你無事呀？」小張問。
 
「無，我只係覺得今時今日，原來仲有好似小張咁孝順既女仔。我覺得好感動。」
 
「依d只係我既份內事姐。」
 
「小張，你將來一定係一個好好既妻子。」




講完依句，J神放低手上把槍。右腳跪落黎。
 
「小張，你將來可唔可以嫁比我？」
 
J神真係同依前般若兩人。
 
以前既佢，毫無自信，身材瘦削。
而家既佢，有自信，手腎亦因長期練槍既關係，而練出一隻老鼠仔出黎。
 
究竟佢既內心經歷左幾大既翻滾呢，依野樣真係要諸位自行想像先得啦。
 
講返現況，
小張竟然無比佢嚇親。
 
反而好淡定咁同J神講︰「好呀，但要等到今次完左事先。」




 
我唔知可以話小張真係一朵咩都唔介意既小蓮花，定只係為左唔傷害到J神先咁樣講。
 
定如果睇到J神依家既表情，真係介乎於生死之間，欲生欲死，或俗d講爽到死。
 
「一言為定。」J神眼神炯炯。
 
小張亦以笑回望佢。
 
睇到依幕，我依個身為一個風度翩翩既底褲佬，都忍唔住打左個冷顫。