<明明係黑社會，我就同老婆講自己係臥底>: 第十回
唉，依鋪真係唔撚知點收科，宜家出面成班差佬「摑」緊我地，走佬都唔掂，我咁大個仔，最撚熟路就係旺角太子深水埗，你叫我走佬我都唔撚知去邊好．．．
求神拜佛Boey唔好咁快番黎，萬一俾佢見到森爺，我真係好撚驚條傻婆會叫我嗱嗱林拉森爺番警署，到時森爺都實斬撚死我地！
諗下諗下，我突然聽到有人用鎖匙開門既聲音！我撲埋去個防盜眼一睇，仆街．．．
Boey一開門見到有條老野灘係梳化，就大大聲問：「嘩，搞咩呀！？」
本來灘抖緊既森爺就俾Boey躁醒左，阿媽！今次我點撚樣收科呀！！
我即刻同Boey打晒眼色：「嘩！包租阿姐，我遲撚左少少交租俾你，都唔撚洗衝上黎開我把鎖呀！？你走先啦，宜家我招呼緊朋友呀，我一陣過數俾你啦！」
Boey先皺一皺眉，然後開始明白我既意思，正當佢想轉身離開既時候，森爺突然開口：「喂！Billy仔，唔好俾佢走，快ｄ拉佢入屋棚埋門！」
係開口既同時，森爺拎左支槍出黎指住Boey個頭，Boey都未開口大叫，森爺已經另一隻手禁住Boey個口：「八婆唔好出聲！．．．喂，Billy仔，仲唔快ｄ棚門！快呀！！」
我：「哦！！．．．」
森爺：「Billy仔你傻撚左咩，宜家出面成班差佬摑緊我地，依條八婆見到我，點撚知佢會唔會爆響口呀！」
我：「咁．．．咁森爺，你想點呀？」
森爺：「暫時唔好俾佢走住，等我地係度抖多陣，一陣我會托人幫我地手搭路，準備今晚走佬！」
就係咁，Boey、我同埋森爺，三個圍住張食飯枱坐底，森爺就拎住支槍，因為佢擔心Boey佢出古惑。
坐底無耐，森爺就突然開口問：「阿Billy仔，話時話，我好似未見過你老婆，佢做盛行架？點解成晚都無番黎既？」
森爺突然咁問我，我個心真係離一離，我望一望Boey，然後就開始９吹：「佢．．．唉，佢份人好撚爛賭架！慌唔係去左打通宵麻雀咩！」
阿Boey，你唔撚洗咁樣啤住我既．．．因住俾森爺發現我地有古怪呀．．．
森爺：「屌，依ｄ咁既女人好心你就飛撚左佢啦，上次你係夜總會識果個阿婷咪幾好，有前有後！」
呀！！阿Boey，果晚我咩都無做過架，你唔好係枱底踩住我隻腳唔好啦，呀！！！！
森爺：「定還是阿嫂佢都好省鏡呀？拎張相黎望下～」
咪撚搵著我黎搞啦你條仆街．．．我：「佢．．．唉，佢好撚樣衰架，廢撚事嚇親大家啦，上次我有個老死見過佢之後，嚇撚到夜晚唔敢一個番屋企添呀．．．」
嘩屌！鳩吹就梗係咁架啦Boey，我求下你，你咪撚再踩啦．．．
Boey終於忍唔撚到口：「佢老婆都不知幾索，佢廢事俾其他人睇蝕，咪成日將老婆收收埋埋lor!～～咁又係呀，你估佢唔驚個老婆走佬咩～～」
Boey一邊陰陰咀笑，一邊啤住我。
森爺成個花生友咁講：「嘩～係真唔係呀？阿Billy仔，咁你真係要小心ｄ呀，依ｄ女人隨時俾綠帽你帶架！你睇你個樣，我係女人都走佬啦，你話係咪先～」
屌你老味，究竟我係咪殺撚左你老豆老母，點解連我自己都唔撚記得有做過既。
俾人話水性楊花，Boey都要發炮：「你條老野，你食左屎呀！？把口咁臭既！？」
森爺即刻火起，再拎起支槍指住Boey：「八婆，幾撚時到你吋柒柒呀！！？信唔信我將你個頭變做蜜蜂竇呀！！？」
Boey真係好撚勇，仲夠膽同森爺撐：「你唔好亂黎呀，我同你講，我老公係差佬，仲要好高級架，郁親我一條毛，你都死梗！」
ｏｎ９原來真係可以無極限．．．
森爺：「差佬！？你估我會驚咩！？你擔心你自己好過啦！ｄ差佬好撚爛滾架，你條臭四咁撚煩，我係你老公都怕撚左你啦！～咪俾我估中，你老公慌唔係成日同你講佢有咩特別任務，成撚日唔番屋企，查實佢係出面包左件二奶！～～」
媽呀！！！！求下你地放過我啦！！！！我就黎痴撚線架喇！！！！
為左唔好令個場面一發不可收拾，我即刻插咀：「森爺，你唔撚洗理條八婆啦，佢得把口架姐．．．呀，係ｗｏ，我地係唔係要準備今晚走路呀？」
森爺俾我問一問，先醒起仲有ｄ緊要事要搞，森爺：「好，遲下先教訓你條八婆！」
森爺諗住拎個電話出黎打：「屌，無撚晒電．．．喂，八婆，拎你個電話黎用下！！」
Boey唔係好情願咁拎左個電話俾森爺，森爺打俾ｄ大飛師傅：「喂，蛇頭標，今晚你幫我準備船過去台灣．．．」
森爺怕俾Boey偷聽到，一邊講，一邊行左入房，飯廳得番我同Boey。
Boey壓低把聲，發晒脾四：「你個衰佬，邊個係阿婷！？！？你係唔係出面包左件二奶！？！？快ｄ講清楚呀！！！！」
我真係好撚無奈：「傻豬，你唔好聽果條仆街講啦，佢亂咁ｕｐ架咋！」
Boey：「我唔信呀，你個衰佬，成日神神祕祕有咩任務，都唔知係唔係去搵你果件二奶！！你好呀Billy，你一直都o厄我！！枉我仲幫你保守秘密！！」
我真係唔知好嬲定好笑：「Boey，宜家唔係講笑呀，你聽我講先，我諗今晚我真係要同森爺佢著草，你到時唔好爆響口呀！」
Boey：「做咩要著草姐！？你係差佬黎架ｍａ，你宜家仲唔快ｄ搵你班伙記黎拉條老野啦！佢頭先個得戚樣，我見到就嬲呀！！」
我真係俾Boey激撚死．．．我：「．．．仲未得呀，時機未成熟呀，我要留係佢身邊多一陣，搜集佢ｄ犯罪證據．．．」
講講下，森爺就係房行番出黎，睇黎佢應該搭好路今晚著草。
森爺又試笑面虎咁樣，望住我地：「依？你兩個有咩咁好傾呀？」
我：「無～我叫條八婆唔好多多事幹之ｍａ．．．」
森爺：「哦～原來係咁．．．我都覺得條八婆好撚煩．．．Billy仔，你話我地不如隊冧埋條八婆先走，好唔好？」
森爺拎左支槍出黎，指住Boey個頭，個樣仲有少少嚴肅，今次大煲！
我即刻解圍：「森爺，無謂節外生枝啦，我地今晚仲要著草！」
Boey:「你．．．你咪亂黎呀！我都講左，我老公係差佬，你殺我，佢實咬住你唔放！」
森爺笑笑口：「哦～係ｗｏ，你老公係差佬黎架ｗｏ．．．咁唔知，你老公會唔會咁岩又叫做Billy仔呢！」
森爺係講既同時，將頭先問Boey借既電話「pat」係張飯枱度，電話上面顯示緊一連串短訊通話，「老公豬加油！邪不能．．．」
仆街！！！！！係上一次Boey俾我既硬鳩短訊！！！點解森爺佢會「禁禁」下禁到Boey果ｄ短訊架！？死撚梗啦今次！！！！