<明明係黑社會，我就同老婆講自己係臥底>: 第十一回

森爺不停用支槍隊撚住Boey個頭：「仆你個街Billy，原來你都係鬼頭仔！你兩條仆街玩撚左阿叔成晚，梗係嫌命長！！」

我真係好驚森爺會亂黎：「森爺，你真係誤會左喇，成件事唔係你咁諗架！我求下你，你放低支槍先啦！有事慢慢講！」

森爺：「講你老味！你咪撚行過黎呀！你試下出古惑，信唔信我即刻打爆你老婆個頭呀！！快撚ｄ拎條車匙出黎，放係枱面！」

咁既情況，森爺講咩我都照做，我：「無問題無問題，嗱，車匙係度，你唔好亂黎呀，有事慢慢講！」

森爺拎走左條車匙，然後繼續用支槍指住Boey，再挾住Boey到門口打開門，慢慢「Tun」後到樓梯：「你咪撚跟住黎呀，如果唔係我就一槍打撚爆佢個頭！」





我：「森爺，你放左佢先啦，真係一場誤會黎架！」

森爺突然間好似聽到有ｄ聲，望一望樓梯下面，然後神色有ｄ慌張：「打靶仔，想黎滅我口！？」

當我仲諗緊佢口中既「打靶仔」係指邊果既時候，我就已經見到佢上到黎樓梯間，原來係劉Ｓｉｒ！

點解佢知道我地番左黎依度既？．．．呀！因為係我隻鞋入面個追蹤器！

但點解得劉Ｓｉｒ一個人黎既！？就算黃Ｓｉｒ頭先槍戰奶左野，劉Ｓｉｒ佢都應該ｃａｌｌ埋佢ｄ伙記黎幫拖ｍａ！得佢一個黎，托柒咩！





森爺：「你個打靶仔，咪撚亂黎呀！有咩依郁，條八婆就係咁歹！到時我睇下你份ｒｅｐｏｒｔ點撚寫！！」

我見劉Ｓｉｒ佢都拎住支槍瞄住森爺，而森爺又好似好撚激動咁，我真係好撚擔心Boey有咩事，所以都唔理得咁多，我欄係佢地中間，同劉Ｓｉｒ講：「劉Ｓｉｒ，你睇住我老婆呀，你唔好亂黎呀大佬！」

劉Ｓｉｒ好似完全無理會我講既野，而森爺見我欄係佢地中間，於是打蛇隨棍上：「Billy仔，你繼續幫我隔開依條打靶仔，如果唔係我就殺左你老婆！」

森爺一邊講，一邊用槍挾持Boey慢慢「Tun」上樓梯，就係咁，劉Ｓｉｒ亦都拎住支槍一步一步咁跟住上去，雙方就係咁一直對峙，而我就隔係佢地中間，大家最後就上到天台。

森爺同Boey佢地企近天台邊，而劉Ｓｉｒ就企近樓梯門口，由頭先開始，劉Ｓｉｒ一粒聲都無出，好奇怪。





森爺先開口：「點呀打靶仔，想滅我口呀！？開槍啦～你如果射親依條八婆，你都有排煩～仲有，我已經叫人將社團本「祖籍」收好，若然我有咩東瓜豆腐，本野就會交去差館！！」

森爺又提到果本咩「祖籍」，究竟咩撚野黎架？照頭先森爺講，劉Ｓｉｒ好似有咩痛腳俾森爺捉住左。

劉Ｓｉｒ聽到森爺咁講，面色都唔多妥，而森爺就繼續講：「劉Ｓｉｒ，我都唔係想為難你架，只要你放過我，我係唔會無啦啦爆你出黎．．．唔洗諗咁多喇，你根本無得揀，你乖乖地放低支槍再踢過黎啦！」

森爺軟硬兼施，劉Ｓｉｒ都開始有ｄ動搖，好似真係想放低支槍。

唔撚得！！森爺宜家當正我係鬼頭仔，宜得即刻殺撚左我，如果宜家無左劉Ｓｉｒ制衡森爺，轉個頭森爺好可能會就殺撚左我同Boey！！

情急之下，我即刻喝住劉Ｓｉｒ：「唔好呀劉Ｓｉｒ，我知果本咩「祖籍」收撚埋係邊呀！」

劉Ｓｉｒ一聽到我咁講，就一手挾住我，再用槍隊住我個頭，好撚兇咁講：「本野係邊！！？快ｄ講！！」

森爺見到咁既情況，亦都同時兇鳩我：「你個鬼頭仔Billy，你夠膽就試下講，睇下我打唔打爆你老婆個頭！！」





劉Ｓｉｒ：「快ｄ話我知本野係邊呀！！！！！」

森爺：「你一講我就開槍！！！！！」

屌你老味，今次真係捉撚晒蟲，宜家點樣做都死．．．

眼睇依個死局，劉Ｓｉｒ細細聲係我耳仔邊講：「Billy仔，宜家森爺當正你係鬼頭仔，若然你宜家唔幫我對付佢，佢遲左殺撚埋你！你唔好理你個老婆喇，只要同我合作，我一陣會搵機會幫你隊冧森爺，咁到時你就唔洗驚啦，快ｄ話我知本野收埋係邊！」

仆你個街，劉Ｓｉｒ原來都係一隻大奸狗！

森爺見到劉Ｓｉｒ細細聲口ｕｐｕｐ，覺得有古怪：「仆你個街你兩個古古怪怪以為我唔撚知呀！？反正都諗住做瓜你，我宜家索性先收你皮！」

森爺用槍瞄撚住我，佢打算先殺左我，咁我就唔會爆俾劉Ｓｉｒ知本野係邊！





Boey見到咁，情急之下想搶走森爺之槍：「唔好呀！走呀Billy！」

森爺同Boey就咁攬埋一舊去搶支槍，但始終森爺係男人，所以大力好多，佢一邊搶，一邊用另一隻手打阿Boey，我見到咁，已經唔理得劉Ｓｉｒ咁多，我都撲過去Boey度幫手，
係混亂間，我終於搶到支槍，不過森爺依條仆街，佢趁我未企得穩，一腳「伸」落我度，我成果人跌出去天台！出於本能反應，我馬上用另一隻手捉住天台邊，成個人吊吊ｆｉｎｇ係天台外牆。

呀！！！！我唔係咁撚樣就玩完呀！！！！！我隻手頂唔撚順喇！！！！