<明明係黑社會，我就同老婆講自己係臥底>: 第八回
第二晚，我按照森爺既指示一齊出發，今次由豪哥負責渣車，柒強坐係豪哥隔離，而係我同森爺就坐係後座，仲有其他兄弟就坐另外幾部車。
成程車，大家都好靜，森爺無同我講過交易既地點，而我亦唔敢多問，咁都好，事關我宜家淆到個腦咩都諗唔到，都廢事講多錯多。
我將劉Ｓｉｒ佢地俾我既追蹤器「攝」係隻鞋入面，即係話，班差佬應該都監察緊我地既動向，另一方面，我記得上一次大茶飯，森爺收到個短訊之後就知道有皇氣，叫柒強ｄｕｍｐ晒ｄ貨，咁睇黎，森爺應該都放左支針係差佬果邊。
成程車，我係咁祈求森爺支針可以再次通水，叫森爺取消交易，咁我就可以唔洗得失黃Ｓｉｒ佢地之餘，又唔洗成為二五仔．．．但好可惜，佢支針一直都無打黎，究竟點解呢？唔通佢支針今晚無同班差佬一齊行動？
大約一個鐘之後，我地黎到一個貨櫃碼頭，豪哥就將架車停埋一邊。
森爺：「Billy仔，車尾箱有個裝住錢既喼，你宜家拎住個喼同柒強去十號貨倉同人地交易，我會用手提電話同你地保持聯絡，你等柒強佢驗完貨之後就話我知。」
我一邊拎住個喼，一邊望下周圍有冇警察埋伏，我同柒強行到黎十號貨倉，落左鐵閘，但係果度鐵門就無鎖住，我地行到入去，成個倉都只有好微弱既燈光，我地柒下柒下咁周圍望，終於見到有人係閣樓果度行出黎，而成個倉既燈光亦同時開著。
開著晒燈之後，我地先發覺附近有幾個拎住槍既人係度守住，應該係對方既人馬，而企係閣樓果條友，就指示佢條o靚拎個箱行到我面前，佢條o靚打開個箱，攤開隻手，示意我地隨便驗貨。
柒強佢做慣做熟，行埋去ｄ貨度「了」一「了」，然後放埋去個鼻度一索，索完之後，就舉起個手指公，表示ｄ貨ｏｋ，於是我用電話通知森爺，話佢知我地已經驗完貨。
森爺：「做得好呀～嗱，Billy仔，你宜家打開個喼少少，望下入面有咩，但千祈唔好俾其他人見到！」
我按照森爺既指示，打開個喼望下．．．！！！屌，成個喼都係白紙，同埋有兩把槍！！！
仆街！今次森爺擺撚左我同柒強上枱！
森爺：「嗱～今次俾足機會你立功啦Billy仔，你地柒強佢，一人一支，我地其他兄弟聽到槍聲之後，就會入黎幫拖架喇，做得好好睇睇下，我睇好你架～」
宜家個喼冇錢，只得兩把槍，搵條毛黎同人交易咩！！！
森爺條老奸狗，十成十仲係懷疑我係鬼頭仔，佢咁樣即係逼我地做爛頭卒，借機將我剷除，然後再入黎執死雞搶埋批貨，一石二鳥，真係屌你老味！！
森爺講完之後就收左線．．．
柒強佢唔知道森爺同我講左ｄ咩，更加唔知個喼得堆白紙同兩支槍，不過佢知道都冇用，我地兩條友兩支槍，人地有成十零人。
再講，我行古惑咁耐都未撚試過開槍，係屋企睇完四仔去打手槍就話試得多姐，你叫我左右手輪流打我都游刃有餘，開槍！？咪撚同我玩啦！！！
對家啤撚住我個喼，見我同森爺傾完之後，遲遲都唔肯交個喼出黎，大大聲咁兇鳩我：「屌你老味，仲等ｄ咩呀！？」
冷靜冷靜！一定有計既．．．．．．無錯！取消交易！只要取消交易，就唔撚洗同佢地駁火啦！無其他計喇，我唯有膽粗粗搏一搏。
我行埋去批貨度，同佢地講：「阿森爺．．．佢想我再驗清楚批貨．．．」
柒強聽到我咁講，覺得好奇怪，而對方聽到我咁講，亦都有ｄ唔耐煩：「屌你．．．你估宜家去超級市場試食呀？．．．唉，麻撚柒煩，嗱，成包拎去慢慢試食啦！師奶！」
見過頭先柒強示範，我就有樣學樣「了」一「了」堆粉，再索入個鼻度：「嗯．．．你批貨唔多合格ｗｏ，咁樣森爺唔會收貨架ｗｏ，嗱，你地下次拎過批靚貨黎再交易啦，今日係咁先，唔洗送喇。」
ｄ毒品都係勁，索撚左一下就o麥鳩都夠膽死講。
成場聽到我咁講，當堂呆撚左．．．咁梗係啦，你次次睇戲見親依ｄ場面，有邊撚次唔係例牌驗完貨之後就舉起手指公，好似拍撚緊廣告咁，話批貨靚然後交易先得架，洗唔洗配埋slogan呀屌你！
挑！估我唔撚到哩！死未！
話口未完，對家就即刻拎住支槍出黎指住我：「仆你個街！你玩野下化！？你係咪想壓我地價呀！！！」
屌，今次真係捉蟲．．．真係唔到我唔佩服日本人，以前我成日都唔撚明D ＡＶ情節，做o麥鳩果條巴士痴漢除左條褲拎碌炮出黎，係咁隊撚住個學生妹，個學生妹都老鳳會嚇到跪底係度含，宜家我終於明白，原來俾人拎碌炮出黎隊住，跪低含撚是常識吧!
我跪係度，喊晒口咁講：「唔好呀大佬！我唔係玩野呀！！大佬我唔敢呀大佬！！」
對方繼續用支槍指住我，好撚兇咁講：「你唔係玩野！？你話我批貨唔靚！？你地唔係想壓我地價係咩呀！！講啦！唔洗送？我宜家就送你一程！」
我真係驚撚到賴晒屎：「唔好呀大佬！！！我唔係玩野架！！我其實想同你講．．．想同你講．．．」
「想同我講咩呀！講啦屌你！仲唔快ｄ講！！！」
我其實想講咩，我自己都唔撚知．．．果個柒強淨係識得企係我後面，又唔撚幫下口，正仆街黎架．．．柒強．．．柒強！有計！柒強，對唔住都要做一次喇．．．
我跪係度對住果條友係咁打眼色，然係用口形同佢講：「有．．．鬼．．．呀．．．取．．．消．．．交．．．易！！」
今鋪係我衰仔，我屈撚左柒強佢做二五仔，但係一個死好過兩個死，你唔好怪我呀，要怪就怪條仆街森爺擺撚左我地上枱啦．．．
柒強唔知道我同對方講左ｄ咩，而對方好快就明白我既意思，表情有ｄ驚訝，然後望左阿柒強一眼，再望下企係閣樓上面既大佬。佢大佬點一點頭，似乎俾左ｄ指示佢。
我原本諗住等佢地知道有鬼係度，佢地會即刻取消交易然後「較腳」，點知果條友轉頭望住我地，突然開槍！！！嘭！嘭！嘭！向柒強連開三槍！
我已經嚇到反應唔切，跟住果條友一手搶左我個喼，然後同我講：「嗱！交易完全！批貨係你地既，我地走先！」
原來佢地想夾硬完成交易，搶走個喼跟住拿拿林鬆人！！不過好彩，因為佢地諗住雞咁腳鬆人，根本無時間打開個喼望下入面。
正當我以為自己咁樣負負碌碌搞撚掂晒，突然有另一班人係鐵門果邊衝入黎！係森爺同豪哥佢地！梗係森爺佢地聽到頭先果幾下槍聲，以為可以衝入黎執死雞！
我都仲未有機會話俾豪哥佢地知交易完成，佢地入到黎見人就開槍，雙方就係咁硬鳩鳩開始駁火起上黎。