<明明係黑社會，我就同老婆講自己係臥底>: 第七回
黃Ｓｉｒ同劉Ｓｉｒ走左之後，我拎住個追蹤器考慮左好撚耐。
雖然森爺同豪哥佢地未曾見過我老婆，不過始終會有其他兄弟認得Boey，所以我唔可以俾段片流出去，睇黎我根本無得揀．．．
但另一方面，若果俾人發現我幫黃Ｓｉｒ佢地捉森爺，我都一樣咁撚大鑊，而且萬一黃Ｓｉｒ今次又拉唔到人，森爺肯定會搵機會報仇，而我依一個疑似鬼頭仔，到時會相當危險！
我終於可以體會到，一個二五仔係幾撚咁大壓力，難怪朝偉都要搵個Ｋｅｌｌｙ咁索既心理醫生減壓，宜家我行錯一步都會死人
可惜我身邊就只有果個硬鳩鳩既Boey，三番四次咁爭ｄ害撚死我，港女個腦係究係咩撚野構造架呢？
講野就鐘意「撻」ｄ英文出黎，扮撚晒ＡＢＣ，但要佢同外國人傾計就即刻ｒｅｓｔ ｉｎ ｐｉｅｃｅ；
問佢平時鐘意睇咩書，佢會好努力咁回憶上一本佢睇過既雞腸書，但查實佢睇得最多就係「新假期」或者「忽周」；
明明都唔撚識欣賞咖啡，但就周不時去Starfxxk用幾十蚊買杯野飲，若然果杯係無Starfxxk logo係上面，你班傻閪仲會唔會買？我地男人只能夠理解用幾十蚊買個飛機杯，即使個杯底寫住made in China同埋可能會爆炸。
越諗就越嬲，我今次真係要開條八婆波！！！
不過，男人個心同佢細佬一樣，硬唔到好耐，我番到落去屋企之後，見到Boey面色唔多高興咁坐埋一邊，然後同我講：「Billy！我已經咩都知道晒喇！」
唔通個衰婆頭先上天台偷聽到我同黃Ｓｉｒ佢地講既野！？
我：「Boey．．．你．．．已經知道晒喇？」
Boey：「究竟你仲想o厄我o厄到幾時！？」
我：「你估我想o厄你架咩！？你又唔諗下我點解要咁做！？咪又係因為你！」
Boey：「咩因為我！？因為我唔守得秘密！？你識我咁耐，都知我唔係果ｄ唔守得秘密既人黎架啦！你聽日又有行動咁大件事，點解唔同我講！？你知唔知人地會擔心你架！！」
！？Boey唔係已經知道左我唔係臥底架咩？？
Boey：「如果唔係因為見你上左天台咁耐，我都唔知原來你同果個黃Ｓｉｒ聽日又有行動！」
我：「Boey，咁．．．你仲聽到ｄ咩？」
Boey：「你做咩姐！？你好驚俾我知道你瞞住我去行動咩！？你放心，你地ｄ秘密行動我咩都聽唔到！！我見到果兩個阿Ｓｉｒ同你傾計，已經好識趣咁番入屋啦．．．只係當佢地離開果陣時，我挨係門口聽到佢地講，話咩聽日有行動，又話咩Billy知道要點做．．．」
原來果個傻婆都仲係以為我幫黃Ｓｉｒ既臥底．．．不過，睇黎Boey真係好緊張我，我咁樣o厄佢，係咪好仆街呢？
我：「Boey，你真係唔好再周圍講俾人知我既事喇，咁好易累撚死我架．．．」
Boey：「你當我係咩人姐？我點會周圍同人講你ｄ野姐？」
真係俾佢吹鳩漲．．．
我都仲未諗聽日點收科，個衰婆又係度煩撚住晒，佢見我個樣咁煩，態度開始變軟。
Boey：「點解老公．．．聽日你果行動係咪可危險架？我真係好擔心你呢．．．」
我：「無．．．你唔洗咁擔心．．．過埋聽日就會無事．．．」
講完依一句，我個心都突然「離一離」，事關我記得，係朝偉同德華講完依句之後，第二日都死撚左．．．
我講完之後，Boey個衰婆又唔知係度FF咩撚野，成個含春樣咁講：「阿朝．．．老公，我知你壓力好大，今晚等我服侍你啦～」
雖然Boey唔係好似Kelly咁識得催眠幫我減壓，但佢催第二ｄ野真係有一手，再加上我唔想再聽到佢叫朝偉，於是乎我即刻除褲拎細佬出黎塞住佢個口，我真係好撚大壓力，我真係好驚聽日會無命，我真係好驚會俾森爺佢地斬９死，我真係忍唔住喇！！！嗚呀～～～
果一晚，我係張床度碌左好耐都訓唔著，一方面我無資格同黃Ｓｉｒ講條件，另一方面，我真係從來無諗過做二五仔，宜家我夾係中間，究竟仲有咩計呢．．．怪就怪我當初衰多口，話自己係臥底，搞出個大頭佛，如果有得我揀，我想揀做一個普通既古惑仔。
但原來，就算我唔想森爺死，都唔代表森爺唔想我死。