<明明係黑社會，我就同老婆講自己係臥底>: 第三回
之後，我同其他兄弟都去準備今晚單大茶飯。
諗番起森爺頭先講既野，真係覺得今次無死，我終於有機會吐氣揚眉喇！
仲等個衰婆成撚日話我混混噩噩，挑！你咪撚俾我發到圍，我一發到圍就要你同你班八婆姐妹跪係度含！
諗下又等下，等下又諗下，卒之等到夜晚，柒強同黑仔佢地就留係鐵館度等出發，而森爺就同我地去左砵蘭街。
去到砵蘭街，我跟住森爺佢地上左去一橦好舊既樓，睇果樣，依橦應該係一樓一或者雞竇之類既野，另外有ｄ兄弟就去左附近做天文台。
上到去其中一個單位，一開門，就見到有兩女人坐係梳化度吹水，成個單位好大，無估錯，真係雞竇。
豪哥同個睇場打過招呼之後，睇場果條友就帶住我地行到入去一間房，再打開入面一個衣櫃，原來入面別有洞天，衣櫃既另一邊係一個細單位，行到入去，見到有幾個凶神惡煞既人坐左係度，睇佢地個樣同埋打扮，似係泰國佬。
森爺走埋去同其中一位寒喧，佢地係度嘰哩咕嚕，我都唔撚知up咩春，唯有on九９企埋一邊。
佢地傾左一陣，森爺打左個電話：「柒強，你宜家同其他手足去XXX海灘。」
就係咁，我地又on九９係度等左一粒鐘，係等既期間，周不時聽到牆既另一邊發生「呀！呀！呀！」既呻吟聲，越聽就越鳩痕．．．唉，最衰部手機又唔係自己度，如果唔係都可以上去高登講故台分散下注意力ma，之前我仲追講一個關於黑社會既故仔，笑撚到我．．．
終於，森爺部電話響起，原來係柒強佢地打黎。
森爺：「嗯嗯．．．好．．．嗯」
森爺一邊講一邊行埋去個泰國佬度，森爺同佢講左一句，然之後兩條友就笑笑口握手。
森爺：「阿豪，拎袋錢過黎。」
豪哥拎左個袋出黎放係泰國佬面前，泰國佬就打開點算下，點完之後就好滿意同森爺講多謝。
森爺再拎起個電話：「柒強，你同班兄弟搬ｄ貨上車，然後去廢車場。」
果班泰國佬同森爺講再見，然係就拎住袋錢先離開。
當我地都打算離開之際，森爺部電話響左一下，似乎係收到短訊，森爺望一望電話，面色一沉，然後即刻打俾柒強：「柒強，有皇氣！Ｄｕｍｐ批貨落海，快！」
咩話！！？有皇氣！！？
一聽到森爺咁講，在場所有兄弟都變得好撚緊張。
而究竟頭先個短訊又係咩一回事呢？
然後我見到森爺口upup，唔知諗緊ｏ麥撚野，其他手足都唔敢出聲打搞佢。
突然間，森爺好撚嬲咁講：「阿豪，你同我拎果袋電話出黎，睇下佢地個電話有冇咩古怪！」
有古怪！？唔通森爺懷疑我地之中有鬼？
於是豪哥拎左個袋出黎，將所有電話放晒係枱上面，成枱電話，唔係Ｓａｍ鬆，就係唉ｐｈｏｎｅ。
森爺：「你老味，你地話電話夾埋架？．．．俾我知道邊撚個係鬼，你就仆街！」
森爺隨手拎左枱上面一部電話，我一睇，原來咁岩就係我果部唉ｐｈｏｎｅ！
雖然我唔係鬼，不過見到森爺拎住自己部電話，都嚇到有少少鳩縮。
森爺禁左我部電話一下，然後面色有少少奇怪，唔知望緊ｄ咩。
森爺：「老公．．．豬加油！．．．邪．．．不能勝正！任務完成就快ｄ番黎．．．」
？？
！！
森爺成塊面變到好紅，慶過火屎咁，大大聲咁問在場所有人：「依部電話究竟係邊撚個既！？！？！？快撚ｄ講！！！」
今！次！仆！街！鳥！！！
其他人當然都唔知部電話係邊個，個個你眼望我眼，好似食住花生睇人仆街咁。
我究竟認唔認部電話係我好呢！？
係依個時候，兄弟甲：「依！？我記得阿乙好似係用唉ｐｈｏｎｅ架ｗｏ．．．」
一聽阿甲咁講，個個都望撚住阿乙，阿乙就好似踩撚左屎咁緊張：「屌你啦，我用Ｓａｍ鬆架！唉ｐｈｏｎｅ個ｍｏｎ仲細撚過你碌鳩，點撚夠我用黎搭車睇ＴｈｉｓＡＶ呀！？」
阿丙：「阿乙應該無講大話呀，我好記得之前見佢成日用手拎住部電話，我問佢做咩唔放個電腦落褲袋，佢話擔心失驚無神會燒春袋．．．所以我都好撚肯定佢果部係Ｓａｍ鬆！」
屌，成班都九唔搭八。
森爺：「你班仆街仔，無人肯認下化？好，咁我用依部電話打俾自己lor。」
死火，今次唔認唔得．．．