<明明係黑社會，我就同老婆講自己係臥底>: 第二回
豪哥語氣好嚴肅，咁我都唔多廢話，拿拿林換件衫就出門口。
係出門口之前，Boey「紮醒」左，佢見我一起身就要出去，就好o爹咁問：「老公豬，你要去邊呀？」
我：「今晚有大單野搞呀，你唔撚洗等我食飯喇，今晚果餐你自已搞掂啦。」
Boey繼續o爹：「今晚你有『行動』呀？你要小心d呀，我會等你番黎架～」
我：「事撚旦你啦。」
「行」咩撚野「動」呀？晨早流流語無倫次．．．
依！？唔撚係wo．．．
琴晚好似飲撚醉左，亂鳩咁up，同個傻婆講我係臥底．．．唔撚係咁豬呀？真係信到十足十！
係我番去鐵館既途中，一邊諗，一邊忍唔住笑。
真係挑你老母，我都話撚左睇無記劇集睇得多會搞到人鳩合一架啦．．．
無記警匪片，套撚套都有臥底，邊撚度會咁易派到個差佬入黎呀，個撚個都唔用下個腦！
仲有無記醫護片，套撚套d醫生或者佢地屋企人都會有絕症，律政片就套撚套d律師或者佢地屋企人都會惹官非，
咁撚硬鳩既劇情，最適合就係俾我老母睇，等佢明白我幾撚孝順，我之所以行古惑，就係唔想佢有絕症或者惹官非咋，你話我幾撚孝感動天，佢睇完之後，分分鐘抱住我讚我乖仔添呀！
就係咁，唔經唔覺就番到去鐵館．．．
上到去鐵館，見到有唔少兄弟已經到左，個個都係度咬耳仔，似乎係想打聽下今晚有咩行動．．．呀屌，唔撚係，係「大茶飯」。
正當我都想八掛埋一份之際，森爺同埋豪哥佢度都黎到。
大家：「森爺！」
森爺：「得喇，唔洗咁好禮喇。阿豪、阿威。」
森爺一叫豪哥同埋威哥，佢地兩個就拎左個大袋出黎，行到每位兄弟面前：「快ｄ將你地部電話放入去個袋度！」
就係咁，個個都好似中學生俾阿sir沒收手機一樣，唔多情願咁交低部手機。
跟左森爺兩年，我都係第一次見到咁撚大陣仗，事前又無人單聲過今晚有大茶飯。
不過都唔出奇既，我都只係跟左森爺兩年，而且平時我都只係做下森爺司機，係佢身邊「磅」住佢，打頭陣既工作都唔洗我做，我又真係無需要知道咁多野既。
等大家交低部手機之後，森爺終於開始俾指令：「今晚會有批貨到步，柒強、黑仔，今晚你兩個帶兩隊兄弟去驗貨同埋收貨。」
森爺拎左兩部電話俾柒強、黑仔：「今晚你兩個就用依兩部電話同我聯絡，你地驗好晒貨之後就打俾我，咁我先會將ｄ錢交俾賣家，到時有咩依郁就執生啦，宜家你地先去泉叔到準備ｄ「架餐」同埋幾部車，準備好就先番黎依度集合，今晚九點出發！收貨地點，我會到時再話俾你地知。」
森爺同柒強、黑仔講完之後，就繼續：「阿豪、阿坤、Billy仔，你地三個帶多幾位兄弟，今晚同我一齊去見賣家，阿威，你今晚同其他兄弟負責做天文台同埋支援！」
森爺交代晒每個人負責ｄ咩工作之後，就同所有兄弟講：「各位手足，我森爺同你地保證，只要搞掂今晚依條『水』之後，榮華富貴，陸續有黎！！！」
大家聽到森爺咁講，即刻變得好撚興奮，包括我在內，係咁鳩叫：「森爺萬歲！森爺萬歲！．．．」
真係好撚耐都未試過咁撚好士氣，好似成班手足一齊去左睇艷舞，嗌破喉嚨叫森爺除衫俾大家睇咁款。
對上一次成班麻甩佬係咁鳩叫，應該就係大家一齊去撐英爺落區果一次。
．．．屌．．．係呀，係俾Boey果班八婆姐妹講中左呀．．．
咁點撚樣姐，班老叔父叫到，唔通唔俾面咩．．．
而且我唔係白做架wo，果次又包酒水又包宵夜，每個鐘頭仲有四舊水，好過最低功資好多啦！
臨行之前，森爺同我講：「Billy仔，今次係你第一次跟我出去做野，到時執生呀，一陣你都去泉叔果度執幾支槍番黎啦，同我醒醒定定呀！」
嘩，今次唔撚係要同人駁火下化？
果次去撐英爺落區，我都不知幾撚驚，咁多差佬圍住，又驚俾佢地周，我都唔知考慮左幾撚耐，先至敢好似果個細路咁，dump個膠樽出去咋！
最後個膠樽仲好似dump中左自己友添．．．
但望見豪哥佢地咁淡定，我唯有頂硬上，死就死啦．．．