【獵奇甜】《吸血鬼係香港搵食真係好撚艱難》Remaster: 第4回 - 龘點讀？咪龍龍龍(2)

龍是什麼撚野既一種生物呢？我諗唔洗多講，大家都好熟啦。D中國人，成日都話自己係龍的傳人。 

「喂，流龍！」我對住剛降落係我眼前既契弟仔說。 

龍係傳說入面本身係一種動物，不過智力極高，而且識得所謂既「神通」（即係超能力），係比人類更加高級既生物。 

而現實中既既龍，的而且確比人類強。佢地生存既地方係比人類高一個維度，所以就唔會成日比人類見到，要到佢地肯主動落返黎三維世界先至會比人類見得到。好似我呢種摘界，可以上到少少四維空間既吸血鬼黎講，因為可以比人類見得多少少野，所以都會見到龍。 

今日陪我玩呢隻龍呢，就係由龍化身出黎既人形，你又可以叫佢做龍人啦，不過其實佢本體係龍。龍又係識好多法術，變人變狗變乜都得。不過佢地就唔似人類咁賤格，純真好多...係某個程度上。 



「喂，華仔。」劉龍變回人類形態。佢既人形係一個高高地，著住日系潮流服裝既小白臉。手上仲羅住一個Paul smith既銀包。 

「人窮，志不窮。」我自嘲。我望住自己套十年不變既衫，再望望流龍。心裡面只係得「公平咩」三隻字。 

「Hey，咪咁啦。你唔識流汗，咪唔洗換衫囉！哈哈哈。」流龍正在講風涼話。能夠講到如此地道既廣東話，因為佢係香港龍。 

至於中國龍同外國龍有咩分別呢？其實就好撚簡單既，只係唔同種，都係龍來的。中國果邊主要就係水龍，齋飲水大，所以瘦猛猛。鬼佬果d係火龍，成日食人，食到肥獅大隻，有埋翼添，條進化樹走偏左向蜥蜴果邊咁解，所以又比人叫翼蜥。因為貪食呀，比較多現身係三維世界，所以法力都無咁強，主要都係用火魔。用人類能理解的話黎講，就好似亞洲人同鬼佬咁既分別囉。 

至於呢個龍人呢，當然就係香港本土既水龍啦。咪以為我地吸血鬼只同吸血鬼玩，其實我都同好多高智能生物好熟的。除左之前提過的殭屍，香港地仲有人魚，迦樓羅、天鵝女、天使、惡魔，仲有一大堆妖精。呀係，不得不提就係我自己都好驚既鬼魂。另外呢幾年多得最快既AI。我會叫佢做機械撚，明明只係人類整出黎既公仔，竟然成日會走出黎同我地呢班超生物埋堆。 



講返我先，一黎我都講過香港無乜吸血鬼，二黎，誇種族都要團結架嘛，係咪？ 係咪....？

至於你問我同龍點解同我會咁fd呢？因為佢其實係我小學同學黎的.....我都係做左吸血鬼先知道，佢原來係龍黎。本來，我就當堂嚇一跳，原來得啖笑。而且，佢咁岩又係姓劉。佢個名就把炮啦，老豆老母真係幫佢改個名做龍，真係慌死無人知佢個仔係龍。所以佢叫做劉龍，不過我有時會叫佢做劉好龍，因為佢幾好人。 

講起上黎又記得，話說又有一次，同佢去做野果時，落起雨上黎。搞到我d髮泥溶鬼哂，佢就變左條龍猛咁走，我就狂叫：「流膿！流膿！咪撚走住呀未埋單呀！」

後來佢講返呢件事，佢問返我係度話咩泥溶，所以從此佢又叫泥溶。

今次叫佢黎，有咩玩呀？ 當然係有野益佢啦hehe