【獵奇甜】《吸血鬼係香港搵食真係好撚艱難》Remaster: 第3回 - 龘點讀？咪龍龍龍

就係咁樣，我即時就被取錄左做下級殺手。不過都係果句例牌：等再通知，先知有無得返工。 

於是我又係屋企無所事事。:o) :o)

（旁白：襯你無野做，都想問下，你做左吸血鬼之後屋企人點諗？）

屋企人？佢地咪係九龍囉。不過我呃佢地話，我想同老婆移民去外國，所以就消失左囉。係呀我有結婚架，是但搵個女人假結婚囉，之後我就走左去日本。事後條女當然比我吸乾哂D血啦，條屍都仲留左係日本呀。:o)

（旁白：安已不，你咪係吸血鬼版既佳仔？）



戇鳩啦，我已經唔係人類啦:( 跟住我飛返黎香港，搵個假身份做返香港人。所以其實愛得華都唔係我真名:o) 無計啦，點都鐘意香港多D呀嘛。 我每個月都仲有入錢落老母戶口架，耐唔屎都會變返34歲個鳩樣探下屋企人囉，我都算孝順仔啦？不過無左個人扮我老婆，總會比人問東問西既。 所以其實一開始都唔撚應該殺，真係戇鳩。

「唔係囉，女仔靠5住，係應該殺。」攤係梳化既鬼佬Victor用佢奇特既廣東話搭爹。

「人地訪問緊我呀又唔係問你！」

而家呢個年頭，唔只做吸血鬼，做乜春都唔多好景，無返一兩招法術傍下身都咪出黎行。以我為例啦，做左吸血鬼之後，要睇書學新招。十年前學識左變形術，可以變咩都得，當然要練習啦。因為我地吸血鬼係半肉體生物，我地個肉身好唔穩定，所以可以跟隨我地既意志隨時改變，孫悟空七十二變都做到，（只要肯努力）。不過半肉體既缺點係相機影我地唔到，照鏡都ok既。 所以其實你見到我d相係搵人畫出黎:o)

（旁白：我地人類可唔可以學呢d功夫？）



唔得的sor9，第一就係身體結構唔同。第二就係如果真係照做，人類肉體承受唔到咁大量既力量，好快會散。

（旁白：...你點知？）

我唔可以話你知喎呢樣野。一陣你爆左出去我咪pk。

第二樣我練既野就係高速移動，即係著草呀。呢兩樣野可以話係吸血鬼基本功。

Victor條死鬼佬就比我識多少少，識用催眠呀，隱形呀，古靈精怪古代咒語呀，仲識整喪屍添呀。我記得呀，佢有次屎忽痕話想整喪屍，好耐無整喎！於是我咪幫佢搞一大輪野，又買呢樣又整果樣，搞足幾日！又要幫手買條死屍返黎，比佢落下咒語又盛。最後又真係整到隻出黎，不過我地見到都唔多開胃，於是放生左佢去後山，唔知而家點喇。



（旁白：下？）

係呀，唔知而家點喎真係。你過開去咪去望下囉。我仲記得果時仲串鳩鬼佬，你買支病毒返黎都無咁煩啦，仲要去黑巿買條屍，幾萬起跳，有時有人同你爭bid喎。 

「叮噹！」門鐘響起。

（旁白：你住到咁偏都有人識得過黎搵你？）

因為..呢條友唔係行過黎，係直接飛過黎。呢個朋友好特別，佢都係本土撚黎。不過香港地道麻煩妖怪——龍。