沒說出的那一句: ［ 第三章 — 聚會 ］

2016年7月7日

畢咗業差唔多一年，WeChat班群已經鋪晒塵，由舊年12月最後一次大家出去食野之後就無人再講過野。我望住貼咗係書枱上嘅畢業相，全班嘅，全級嘅，單獨同啲朋友影嘅，舊年戈個開心嘅心情返哂嚟。
我望一望同Ana戈張相，已經好耐無見過佢嘅笑容，無聽過佢吧聲，心郁郁想係個群戈度叫大家暑假一齊出嚟食餐飯，希望可以再見到大家同埋佢。
就係我準備打第一隻字嘅時候，佢竟然send咗條訊息上班群度，內容係問大家7月9日得唔得閒出嚟食野。
‘嘩，原來我同佢心有靈犀啊，諗乜都比佢知。’ 我戈時係心入面暗暗自喜，跟住當我睇返WeChat嘅時候，已經有16個人話「冇問題」／「娜姐叫到一定去」
跟住我又好快咁打返句：「唔係唔去啊」
幾分鐘之後，差唔多成班都話去，Ana話訂咗九號夜晚，係學校附近戈個韓燒食。佢話佢問埋班主任Miss Ng，佢都去。
估唔到鋪晒塵嘅班群因為Ana一句叫大家出去食野而熱鬧返，諗返如果係我問嘅話應該冇咩人去。





2016年7月8日

「唉點解瞓唔著架⋯」
唔知係咪因為聽晚可以見到Ana而開心得滯瞓唔著，播歌已經差唔多兩個鐘啦，仲未瞓得著。
「死得啦今次⋯ 不過無論如何，聽日都要同佢講架啦！」

2016年7月9日

20:30





我自己一個行緊過去間韓燒嘅時候，突然聽到後面有人大聲叫我個名。我擰轉頭，見到Ana行緊過嚟，呢個時候，我個心跳開始加快。「喂，好耐無見啦，Marco！」
「係囉，好耐無見啦！」
跟住我就同佢一齊行去間店度，入到去個個都已經坐低晒，見到我同佢行入去嘅時候，全部人都笑住望我地。之後啲位都淨返兩個，所以我就同佢一齊坐。
就咁開始食，食咗大約三個鐘。食完有啲就少少醉，有啲醉醉地，有啲直情係醉咗。得幾個係冇醉到嘅。
「喂，Erica？」 Ana同人地傾緊電話嘅時候我企佢隔離，同彥澤係到吹水。
「唔緊要啦，我搭巴士返去啦。」 佢講完電話之後，彥澤同我講：「佢應該同你仲係搭同一架巴士嘅，加油啦！」
「咩意思啊你？」 估唔到佢已經行緊返屋企仲好大聲咁講咗句Bye Bye添。
「喂，Marco，你係咪仲係搭26B架？」
我望住Ana，答咗句「係。」
「我同你搭巴士啊。」我面帶笑容咁問佢。




「好啊。」

—To be continued.