沒說出的那一句: ［ 第二章 — 畢業典禮 ］
2015年7月9日
「我而家正式宣布，雷德高中2014～2015年度高六學生正式畢業。」校長一講完，成個禮堂傳出一陣歡呼聲，所有畢業生唔係笑就喊。呢個時候，我望住亞娜，佢開心到喊緊，我戈時幾想衝過去攬住佢，但係一見到佢班閨蜜係到同佢影相即刻打消咗呢個念頭。
畢業典禮完咗之後好多人都係到影相。我啲朋友，啊燊，啊浩，彥澤都有搵我同佢地嘅朋友／女神／男神影相。當我部即影即有剩返最後一張相紙嘅時候，我四周圍搵亞娜，搵咗好耐，終於見到佢係小食部戈度。
我行到去佢面前，吸咗啖氣。「亞娜，我地一齊影張相。」
「好啊！」
跟住我地就係小食部門口戈度影咗張合照，我同佢唯一一張兩個人一齊影嘅相。
就係我地影完之後，我準備好哂，諗住開口話佢知我鐘意佢嘅時候，佢望住我，佢拖住咗一位女同學（亦都係佢嘅好朋友）Sharon隻手，微笑住咁同我講：「喂，我走先啦，到時班聚見啦！」
就咁樣，佢係我面前離開咗。我知我應該即刻追上去截停佢，但係我冇咗做。
正一蠢材。
—To be continued.