沒說出的那一句: ［ 第四章 — 告白 ］

00:08

巴士站戈度一個人都冇，巴士都冇架。

我同佢就咁企咗係度等。

「Ana啊，」

佢擰轉頭望住我，「咩啊？」





我吸咗啖氣，然後就開始講。

「係我第一次見到你嘅時候，就係呢個巴士站，戈時我地都仲未認識大家。上到巴士之後，你主動踏出第一步，問我見咩名，戈時我唔知點解我心郁郁，之後次次見親你都會覺得好緊張，好唔自然。見到你就算係行路都好似已經唔識行咁。每次同你一齊，好似而家咁，我淨係可以見到你，淨係可以focus係你到，其他咩事我都察覺唔到。」

佢依然望住我，叫我繼續講。

「舊年畢業考之前已經知道自己係鐘意咗你，但係搵唔到戈個勇氣去話你知。原本諗住畢業典禮戈日話你知，一見到你又開始怯。啲人話怯就會輸一世，所以我而家就話你知，我鐘意你。」
呢個時候，個天開始打雷，仲落雨添。佢冇再望住我，反而係背對着我。

「做咩而家先講？」





佢吧聲震震地。

「做咩要等到而家先講？一年前講咗咪幾好，話唔定我地而家拖住手kiss緊添啊！」

佢擰返轉過嚟，眼濕濕咗望住我。

「你估我唔知你鐘意我咩，你次次小息行過我課室望我，上上吓堂去廁所經過我課室又望我，仲之一有得望我你就一定會望啦，你估我唔知咩？次次係Instagram
po野你都係第一個讚，差唔多日日都Snapchat／WeChat我⋯」





佢啲眼淚已經開始流緊出嚟。

「你知唔知我真係驚你升唔到班，我地無得一齊行畢業典禮架？你知唔知次次幫你溫書我都擔心緊你係咪真係識架？好啦，跟住畢到業你同我影咗張相啦，但係我最想聽到你講戈句野呢？我聽唔到啊。」

「戈時Sharon拖咗你走，我—」

我都未講完佢又開始講：

「咁你唔識追？你唔識截停我？你知唔知我戈時對你有幾失望啊？好啦畢業禮完咗，12月個班聚，又係冇野講，今年仲見到你同個女仔食飯，你知唔知我戈時幾驚，我以為你放棄咗我。」

「唔通你⋯」

「係啊，我都鐘意你，但係我冇你咁主動。你Snapchat我比我Snapchat你仲多，你like我啲野多過我like你啲野，我知我都唔可以怪哂你因為，有邊個對住自己暗戀嘅人係會大膽啊？」

雨越嚟越大，巴士站都仲係得我地兩個。





「我都好鐘意你，但係啲感覺已經唔見哂。如果可以嘅話我都想返去同你相識嘅第一日，之後搵個適當時機同你表白。」

「我都會。」我得低頭。「好對唔住我冇話你知。」

「我而家都同你一樣單身，如果可以我都想同你拍拖，但係而家啲感覺好零碎，一啲係到一啲唔係到，我都唔知想點。」

「唔緊要，我會等。」

佢望住我。

「當你覺得係時候，Wechat我，一係你想Snapchat我都得，總之我會等你。」

00:23





架巴士終於嚟到，我同佢上咗架巴士，一齊坐。


—To be continued.