(真人真事 短篇 無糖) Live & Life 系列 – "原來我地已經識左七年喇": 4. 第二年
升上Form2，咁啱又升埋同一班。
CC係我地級嘅女仔入面都算高，同我差唔多高， 所以會比較易同到佢坐附近。
佢已經唔再係戴住珍珠白框眼鏡，轉左其他顏色框。
當時經過一次嘅失敗，我就回顧番以前讀一課書叫 - 第七次。道理大約都係講只要不斷試就會成功。依個道理無錯，只係實際上第二次嘅時候都要針對番失敗嘅原因去改善先再做，咁先有可能成功。 只不過，我無。我成日撩佢傾計，無論係學校，定係放左學番屋企Whatsapp。每日都死chur 爛chur 佢同我講一啲無聊嘅野。例如每日問佢做緊咩呀？大概有一次，我同佢班Fd 傾計，當時其實個個都知道我鍾意佢，佢班Fd 同我講：CC覺得你好煩。
我當時即刻down 左，我唔知可以點做，我只係知道 我又再一次失敗。
面對住第二次嘅失敗，我唔想再去馬住，頹足一年。同Form1果年一樣，我次次考試考天才波，上堂唔聽書，考試唔溫書，所以兩年黎佢成績都係好過我。當時我好似考到全班二十幾，全級一百幾。
現時反省：
真正嘅交流或者溝通其實唔係咁，而係要雙方用心去感受同了解，並無需要講到明、講到白。