(真人真事 短篇 無糖) Live & Life 系列 – "原來我地已經識左七年喇": 5. 第三年
去到嗰年，大概終於知道全級排名係單數就入A 班，雙數就入B 班，所以我就知道我又會同佢同班。佢開始識得打扮，係我眼中佢愈黎愈靚。
上面講過我Form3開始有轉變，除左身型上，仲有思想上、成績上。
思想上其實都唔係十分成熟，因為當年係好興叫人做男神女神，示愛之前一日，CC 班Fd 問我覺唔覺得CC 係女神，我就答左係。
當時CC 班Fd 同我講唔接受我嘅原因可能係因為我唔細心、無心思，但係佢地同我講之前我已經DIY左份禮物，我大致上記得我由個盒到入面所有嘅野都係自製出黎，果陣仲去左旺角吉之島（好似係）搵材料。整好哂第二日去示愛，果日話佢知我想Lunchtime 同佢講啲野，最後佢臨打鐘前一秒先番入學校大門，就咁樣完美KO左。
(到左依一刻，我相信CC 班Fd 當年係有通風報訊話俾CC 知我嘅計劃。最後心諗：算吧啦！比心機讀書。
我地學校係Form3要讀十幾科，因為升Form4要靠全級排名頭六十先可以揀自己到我自己鍾意讀嘅科。我由當時中二排一百幾十名，去到中三上學期考試升到八十幾名，我知道要再爆多啲，最後真係爆到上五十幾，去到Form 4入到想讀果班，可惜人各有志。最後由Form4開始我地分開左兩個唔同班。
現時反省：
相信自己，唔好亂咁信人。做任何事都要有心，要做好一件事，最起碼要有心。