(真人真事 短篇 無糖) Live & Life 系列 – "原來我地已經識左七年喇": 3. 第一年
小學Hea讀書，中學似隻豬。
睡眼惺忪咁入到班房，是但坐咗一個位，趴係張檯周圍掃視下有冇睇得上眼嘅女仔。
一個，兩個。心諗：依兩個都唔差啵，等我去馬先。
（一號係CC嘅Fd，二號先係CC。一號唔係重點可以唔提，但只係事實上CC真係唔係我第一個目標。）
望住CC，個樣有啲串，平時又唔多笑，戴住副珍珠白色粗框眼鏡，乖乖女樣。
有咩方法接近佢呢？
靠自己身邊嘅Fd。
我個Fd 同CC 以前係同一間小學（好似仲要係同一班）升上黎依間中學
但係當一個毒撚去接近一個女仔嘅時候通常會遇到一個問題，就係：唔夠自信，同埋自我認同感低
如果以上問題嘅人大多數都會嘗試去吹大啲自己嘅優點或者好想比人知自己嘅優點。
果陣時唔識咩叫溝通，唔識點先可以同人傾得到偈，然後就完完全全犯曬依啲錯誤。
一開口就係到吹自己有幾勁幾勁，識寫程式又賣到出去賺錢又乜乜乜。
講嘅各樣野都可以話係溝女大忌
如事者，我就一直講依啲野同埋寫紙仔示愛咁過左一年。
現時反省：
點解講自己優點係大忌而唔大"技"？好簡單！因為一個女仔同你三唔識七又唔係會俾你影響到人生嘅人聽到依啲會唔會覺得關佢事吖？唔會！咁就算你勁到曉飛都與佢無關。