「續寫」無啦啦多左幾個家姐同阿妺: 外援

我：「你話…李Uncle叫你黎搵我？」

愛麗絲：「嗯，因為佢話尋日你誤會左D野，但係佢而家又無辦法抽身黎同你解釋，所以叫我黎啦。」

我：「誤會？無辦法抽身？到底咩事？」

愛麗絲：「你咁多問題，我答你邊個先好呢？」

佢咁講我先發現自己好似有少少失儀，即刻好唔好意思咁dup低頭。



愛麗絲：「哈哈咁又唔洗咁唔好意思既，我會答你既問題~不過有一樣我想同你講清楚先。」

「我同你既訂婚既事，你當係兩個大集團既合作協議就可以，唔洗咁上心。」

「所以呢，出面既兩位小姐可以放心，我唔會同你地爭男朋友架~」

兩位小姐？

我望向門口，見到Sarah同Yui慢慢咁行左入黎，仲一臉尷尬咁，十成係係出面偷聽啦佢地。



唉，無佢地收，失禮死人嗱而家。

我：「但係我唔明喎，點解偏偏係呢個時候講訂婚？唔係係我岩岩做七星個陣？係咪因為發生左d咩事先要…」

愛麗絲：「嗯~你都尚算聰明，睇得出係因為有其他因素，無錯，係有其他原因。」

「因為李Uncle係早排收到消息話有人要對付身為七星既你。」

我：「你話對付我？」



愛麗絲：「其實我地起初都唔知對方到底係想對付你定係你所代表既李氏，所以我地先按兵不動。」

我：「eh…你咁講即係話…你地一早就知道？」

愛麗絲：「嗯，早係半個月前就已經收到相關既消息，有人準備緊。」

「就算到而家我地都判斷唔到對方係針對你定係李氏，因為對方故意挑起你同七星之間既矛盾。」

「但係我地而家已經唔可以再咩都唔做，所以先用訂婚呢招去穩住個情況。」

我：「點解會係訂婚..？你地咁樣搞到我好亂喎。」

愛麗絲：「因為只有訂婚呢招先可以保住哂兩邊，你同李氏係七星既地位。」

「一來強化你既後盾，二來又增加李氏既影響力，等李氏係七星入面更穩固。」



「所以呢，我其實係黎幫你架，可惜你尋晚咁樣對人…」

佢講後面果句果陣用一個唔知點既語氣，講到我尋晚好似強姦左佢咁。

不過佢咁正，可以的話我真係想強姦佢吖。

唉都係道個歉先啦。

我：「唔好意思吖因為我唔知道件事原來係咁既，我向你道歉。」

愛麗絲：「太遲啦，尋晚仲要有咁多人在場，肯定有好多人聽到睇到我同你爭執。」

「不過我地已經有個新既方法，更加好既方法，仲可以搵出成件事係咩人搞出黎。」



我：「咁係…」

Sarah：「咁係咩方法吖！」

Sarah仲緊張過我，有意思有意思。

愛麗絲：「哈哈..同李uncle講既一樣…你地感情果然好好。」

「好喇事不宜遲，我問你地一個問題先，你地開頭對我既認知係咩？可以直接講。」

話就話叫我直接講啫，但係我又點敢真係講，點知你會唔會秋後我架？

我估Sarah佢地幾個都係抱住同我相同既諗法，所以大家都無出聲，成間房都好靜。

愛麗絲：「哎，問人野無人答真係好尷尬，算啦我自己答返。」



「我估我自己係外界既形象應該係小器，任性潑辣之類？」

「你地應該有聽過果單咩因為一個女waiter我就買左人地成個酒店集團既事？」

「唉其實我一早就已經打算收購果個集團架啦，結果估唔到會比人咁講~」

「人地都唔係咁既人，咁樣話人人地會好唔開心架嘛，人地係個女仔架。」

呃…佢開始自己係度講，完全無視我地。

愛麗絲：「你地唔會到而家都係咁睇我掛？」

哇佢突然咁問真係嚇我一跳，我即刻耍手擰頭say no。



愛麗絲：「嗯咁就好喇，不過你地知就好喇，唔好同外面既人講。」

「因為我係外面仲需要呢個形象，做生意果陣先唔會俾人蝦。」

大佬，又話事不宜遲，講左咁耐肯入正題未啫你。

愛麗絲：「所以呢，我打算用我呢個形象去幫你。」

黎啦！終於肯講啦！

愛麗絲：「尋日發生既事應該好快傳到想對付你既人個度，如果對方真係想整死你，應該會黎搵我，叫我一齊對付你之類。」

「我就可以趁呢個機會知道係咩人做既，等你同李Uncle可以提防到。」

我：「換句話講即係臥底…」

愛麗絲：「無錯啦，呢d招數我地周不時都會用，李uncle身邊而家都有臥底，所以先唔可以親身黎。」

「好啦要講既係咁多，今日我地講既野千奇唔好同外面既人講，以免走漏風聲。」

我：「如果對方只係針對我，李uncle仲會唔會…」

愛麗絲：「一定會，因為你係代表佢，佢一定會保你。」

「而且若然佢連一個代表自己既人都保唔到，佢顏面何存？」

「唔好諗咁多，而家最重要係查出幕後黑手係邊人，記住千奇唔好同外面既人講，我走啦。」

Sarah：「我送你吖。」

愛麗絲：「好，麻煩你。」

之後Sarah同Yui一齊送走左愛麗絲，留係書房既得返我一個。

我好似…受到好多人既恩咁…