「續寫」無啦啦多左幾個家姐同阿妺: 愛麗絲

星期日成日Anna，Ellen仲有Ellie三個都無搵過我，Whatsapp Group都無人講野。

至於Sarah佢地就唔知係度忙d咩，成日都係屋企入面走黎走去，搵呢樣搵果樣咁。

我唔知佢地搞乜，亦無意慾去探索佢地到底係度做緊咩。

我正好可以趁呢個空閒而且無佢地係我身邊既時間好好靜下。

實在發生左太多野喇，我真係好需要慢慢咁整理下最近既事。



首先係七星既突然到訪，跟住係李生突然叫我訂婚，話我需要後盾，再之後就係愛麗絲既突然登場。

三件事都好震撼我既弱小心靈，如果再多一兩件的話，我怕我真係會心臟病發。

周不時咁樣的話，真係命都會短幾年，諗極都唔明點解Sarah佢地可以係呢個世界入面生活咁多年。

可以的話真係想帶佢地五個過返D平凡既生活，好似我以前咁既生活。

不過我以前咁窮，佢地會唔會唔鐘意過d咁既生活呢？



哎，我估應該唔會既，之前情人節佢地五個玩得咁開心，應該ok既。

如果係要咁過生活的話，又預唔預埋大家姐佢地好呢？

屌！無啦啦做乜諗左去呢度！我諗緊正經野架！

咦…咦！！

我個腦突然叮一聲，好似諗通左D野。



呢三件事…或者有關連？

我之所以會咁諗係因為呢三件事發生既時間非常接近，我覺得李生係知道一d野。

有乜理由當我懷疑學校有人想搞我既時候，李生就叫我提防一下？

至少我認為佢知道既比我更多，所以佢先提出用訂婚呢招強化我後台。

又或者…搞出呢一切既人就係佢，目的就係要我同愛麗絲訂婚。

但係如果真係咁的話，點解佢要咁樣做？點解佢係都要我同愛麗絲訂婚？咁做對佢有乜好處？

死，一諗通左之後我反而愈踩愈深添。而家好似有一個睇唔見既對手同我玩緊咁。

我而家應該點做好呢？



如果可以搞清楚學校既事的話，之後兩件事都可以順利解決。

只要證明到我無乜野後盾都可以好好應對既危機的話，李生應該就唔會要求我同愛麗絲訂婚啦。

之後再同愛麗絲講兩句，道個歉，應該就可以得到佢原諒啦。

好，事不宜遲，即刻開始調查一下先。

我唔想驚動Sarah佢地，要佢地分神去呢D容易唔開心既事，所以我分別Whatsapp左阿威，阿惠仲有Alex三個，請佢地幫下手。

而家就只係等佢地覆啦，或者我仲可以請埋之前Form5識既朋友幫下手查下添。

Eh…佢地叫咩名呢…一時唔記得左添。算喇呢d小事遲下再問阿威啦。



而家已經有行程表啦，只需要慢慢實行就可以啦~所有野會好起來既~~

羽晨：「明哥哥！」

我：「咦羽晨？你幾時係度架？你黎做乜啊？」

仆街，好彩我無打飛機啫，如果唔係就尷尬啦。

羽晨：「有個姐姐黎左搵你吖！大家姐叫我上黎叫你去書房吖！」

姐姐？邊個姐姐，Anna，Ellen定係Ellie呢。

我：「邊個姐姐吖羽晨？係咪Anna姐姐佢地吖？」

羽晨：「唔係吖！個姐姐有把好靚既紅色頭髮架！」



紅色頭髮！！唔通係！！

我聽到紅色頭髮之後衫都唔換，臉都唔洗，甚至連黎叫我既羽晨都唔理，直接跑去書房。

去到書房，見到呢個所謂紅色頭髮既姐姐果然係佢，但係點解佢會搵上門？

咁樣做打亂哂我既計劃呀屌！

愛麗絲：「Hello~今次係我地第二次見面啦~」

「唔洗咁緊張，係李Uncle叫我黎搵你架。」

李生叫佢黎搵我？到底會係咩事？