「續寫」無啦啦多左幾個家姐同阿妺: 可笑

佢既出現，吸引左場人既目光，甚至連一直坐係度既人都企左起身。

雪：「晨哥哥！我地好耐無見喇！」

阿雪見到佢直頭衝左落台去迎接佢，好似頭先對我咁橋住晨哥。

佢就好似一個王者咁慢慢行上台，非常有氣勢。

晨：「真係有一段時間無見喇咁多位。」

信：「哼，你唔係話過好討厭七星架咩，點解而家又返黎。」

晨：「嘛，而家好似開始得意起黎，所以我咪返黎睇下囉哈哈，阿天，答我喇，要有咩條件先有資格去做七星。」

天：「唔通你覺得佢有資格？佢原本只係一個下等人，只係因為阿媽改嫁先走入上流階級，咁既人有資格？」

晨：「哦，即係你意思係呢個人係因為媽媽先上到位，唔配做七星？」

天：「無錯，就係咁。」

晨：「咁你有咩資格做七星。」

天：「吓？」

無錯，個阿天的確係好大聲咁吓左一聲。

晨：「我係問你，你又有咩資格做七星？」

天：「我…我係香港七大家族之一既黃家既大仔，當然有資格做七星！」

晨：「即係話你係靠你屋企既背景先做到七星啦，咁你又有乜資格話人？」

天：「你攞我同佢比！？你呢個自甘墮落既白痴夠膽咁話我？？

」

阿天好似好嬲咁，衝去晨哥度仲向佢揮拳。

然而，晨哥用手接住左呢一拳。

晨：「咩叫自甘墮落，你同我好好講清楚。」

果個阿天對於自己個拳被晨哥接到毫不驚訝，立即就撥開晨哥隻手。

天：「哼，我有講錯咩，有一流既聖所羅王書院唔讀，走去d窮人學校群埋堆垃圾度，唔係自甘墮落係咩？」

晨：「你…話我既朋友係垃圾..？」

李生：「晨！夠喇！」

晨：「你話我朋友係垃圾？」

咦，好似有少少唔對路啵。

晨哥一步步咁走向阿天，而阿天則一步步咁向後退。

雖然我係企係晨哥後面睇唔到佢既表情，但我係度都可以feel到佢而家應該係好嬲。

雪：「唔好嬲啦晨哥哥，阿天佢都係一時口快啫。

」

阿雪行埋去拉住晨哥，但被晨哥一手推開，繼續向阿天步步進逼。

晨：「我問你係咪話我既朋友係垃圾呀！！

」

晨哥一手的起左阿天，好大聲咁講。

我見到就即刻衝上去，同晨哥講叫佢冷靜D，放低人地先。

佢擰轉頭望左我一眼，個眼神同平時截然不同，直頭好似想殺人咁。

佢「嘖」左一聲之後就掟左阿天落地。

晨：「垃圾？你先係垃圾，只係識睇人背景，我既朋友比你厲害得多。」

「我可以話你知，阿明佢絕對有能力做七星，至少比你好。」

天：「哼，佢會好過我？你唔好引我笑喇！我點都唔會承認佢係我地七星既一份子。」

信：「係度哂口水有鬼用咩，Uncle Lee揀左佢做代表佢就係七星架啦，快D過黎坐低開會好過啦，唔係我就返去架啦。」

雪：「係囉係囉，今日到底係因為咩事叫我地黎？只係介紹阿明俾我地識？

」

李生：「唔係，今日除左介紹阿明俾你地識之外仲有一件事要同你地講。」

「係尋日我同你地既父母商量過，我地一致決定將楊氏同劉氏從七大家族除名。」

天：「因為阿傑？」

李生：「唔係，警方除左調查阿傑之外，佢地亦接到消息話佢屋企進行商業犯罪，係佢屋企搜出好多關於將楊氏同劉氏既商業罪證。」

「為左保住七星既名聲同埋唔好令我地都牽涉其中，我地決定割蓆。」

信：「哼，係邊個做既自己心知肚明啦。