轉性人的荒淫校園: 45.《摩天輪》
我同 Tobias係禮堂門口塊空地等左好耐。主辦嘅同學直係做得好好，個場地佈置得好有氣氛。塊空地側面有棵聖誕樹，隔離擺左一張好古式嘅長凳，後面有盞煤氣街燈，地下啲白色好似雪咁嘅白色粒。成個場景好有 feel，好似去左北歐咁。
「Kristy，我地埋去影幅相吖。」 Tobias拖左我埋張長凳度，俾左個電話個工作人員。我俾番件西裝䄛 Tobias，佢番件西裝䄛，坐左去我隔離。
「Kristy，你唔凍咩？」然後就攬住我條腰。我打斜捱左落佢度，Tobias將塊面貼住我塊面，我地兩個好似好親近咁。
「三，二，一，笑！」個攝影師幫我地影完幅相， Tobias用佢件西裝䄛包番住我⋯⋯「咪住！咪住！」個攝影師吖住我地「呀哥哥，不如你同你女朋友坐番低先。而家呢個畫面好靚，呀小姐，你唔使除件䄛⋯⋯係啦，我就要咁樣。」
我同 Tobias又坐番係張凳度。「啊哥哥⋯⋯你好似求先咁攬住你女朋友⋯⋯好，三，二，一⋯⋯笑⋯⋯」
影好之後， Tobias拎番部電話，然後同個攝影師講左兩句。「唔該曬，尐相唔錯。」
「同你女朋友玩得開心尐啦。」個攝影師話。
「其實我⋯⋯唔係佢女朋友⋯⋯」我好尷尬，面紅紅咁同個攝影師講。
「唉！講下講下就係㗎啦！」個攝影師話「你兩個咁襯。」
吖哎⋯⋯做咩無端端咁講喎⋯⋯人地會怕羞㗎嘛⋯⋯於是我拉開左 Tobias。「果邊好似好靚呀，我地過去睇下囉。」
我拉左Tobias 左籃球場中間，有人係地面用蠟燭排左個心心，中間放左尐花瓣⋯⋯好似韓劇，好浪漫。
「Kristy，不如我地瞓係地影相啦。」 Tobias話。
「吓，污糟喎。」
「咁我地茂係個心心後面影相。」
***
等多左一陣，禮堂棟門打開左，我地可以入去。個師儀講左兩句廢話，大家就開始跳第一part 舞。Tobias拉左一下我隻手。「我好希望可以同你跳第一隻舞，may I have the honour?」
「My pleasure」我同Tobias 講。佢拖左我去個禮堂中間，企左係我對面。左手踏住我條腰，右手拖住我隻左左。我地就原地打圈跳舞。我發覺Tobias一直好留心咁望住我。
「做⋯⋯做咩事呀。你⋯⋯今日⋯⋯做咩係咁望住我。」
「冇⋯⋯終於可以名正言順咁望你望得耐啲啫。」
耶⋯⋯好尷尬呀⋯⋯兩個人係咁你眼望我眼⋯⋯「我⋯⋯有咩咁好望呀。」
「你好似⋯⋯」Tobias好少咁緊張「好似我女朋友⋯⋯你⋯⋯你當我冇講過啦⋯⋯」
「乜你有女朋友咩？」咁即係點呀？Tobias 一直有女朋友，佢一直係玩緊我？當我係雞係公廁呀？定玩具呀？我fing 開Tobias。
「冇⋯⋯而家冇。」
咁即係點呀？佢想表我的？「咁⋯⋯你係咪有尐嘢想問我？」
Tobias 細細聲同我講「我今晚九點半係禮堂門口等你⋯⋯我而家去同人傾下計先。」
***
Tobias 去左同第二尐女仔跳舞，重要係生得高，長得靚，著得姣，跳完舞重要抄埋牌⋯⋯實在太過份啦⋯⋯哼！我都要識男仔！係呢個時候，有個男仔行左埋黎。咪我以前間學校個同學，第一集出現過嗰兩個茄哩啡徐定富同允行？
「Hi，你自己一個？」
「係呀。」
「不如我地出去行吓囉。」
於是我同徐定富就出左去跳舞⋯⋯佢依然係咁毒⋯⋯話題離唔開打機。但係果種熟悉得黎又好陌生嘅感覺真係好奇怪。我同徐定富跳完舞，去場邊飲左杯汽水，食左小小薯片，就九點半。而Tobias，係場入面撩完一個女仔又另一個，真係睇見佢都眼火爆。
***
準時九點半，Tobias 係眾多囡囡中間行左出黎，去到禮堂門口搵我。
「點呀！唔阻你呀嘛⋯⋯我見你左擁右抱⋯⋯」
Tobias 摸下我個頭「有人嬲嬲豬喎⋯⋯」
「點呀⋯⋯你叫我出黎做咩呀！有野就講，有屁就放。」
「我⋯⋯想早啲走同你出一出去，帶你去一個地方，我有尐野想同你講。」
「咁早就走，你玩夠啦咩？」
「玩夠⋯⋯玩夠就想認真。」Tobias含情默默咁望住我，然後拖住我隻手「黎啦，行啦。」
佢帶我去拎番個袋，然後離開左學校，截左架的士，帶左我去中環碼頭。
Tobias 落到的士一路攬住我「Tobias⋯⋯你點解要帶我黎呢一度呀？」我問Tobias。
「我想搵個地方同你靜靜地傾計」Tobias 係我耳邊講「同埋想坐下新開果個摩天輪。」然後㩜住我條腰，一路行到個摩天輪，買左兩張飛。我地兩個人，一個車箱。
個摩天輪慢慢咁升起，香港夜晚真係好靚。尐高樓大廈同尐燈光好迷人。Tobias 用一隻手㩜住我，我就捱住佢心口。忽然，正當我注目緊窗外嘅景觀。佢係褲袋拎左個盒仔，放左係我大脾。「打開佢睇下。」
盒入面有條頸鏈，同一個心形吊咀。Tobias 將個口貼住我隻耳「可唔可以做我女朋友。」等到啦⋯⋯終於等到啦⋯⋯佢終於同我表白啦。
我眼濕濕，好感動，我真係好中意Tobias 㗎⋯⋯「我聽唔真⋯⋯可唔可以問多次。」
「我想做你男朋友。」
實在太開心啦⋯⋯好幸福呀⋯⋯我擰側個人兩隻手攬住Tobias「嗯⋯⋯實在⋯⋯好幸福呀⋯⋯可唔可以幫我戴左條鍊呀。」
Tobias 拎起條鍊，用兩隻手圍住我，然後扣好左條鍊係我條頸。「我女朋友戴得條鍊好好睇喎⋯⋯傻妹⋯⋯笑番先啦。」
其實我一直都笑緊。
「可唔可以俾我鍚下個女朋友呀？」Tobias 伸個頭埋黎。
我用隻食指㩒住佢個嘴「唔得住⋯⋯我要你應承我，唔准背住我撩第二尐女仔⋯⋯因為我會呷醋。」
Tobias 攬住我，對眼望住我「都得。但你都要應承我，以後唔好再去扑嘢學會。我唔想戴綠帽。」
「勾手指尾。」
「傻傻地架⋯⋯以後想要，想做愛做嘅事就搵我啦。」Tobias 同我勾手指尾。
「鹹濕仔⋯⋯你連個女朋友都未錫過，咁快就諗呢尐。」我指下Tobias 條褲鏈「你就遲尐先啦。」
Tobias 將隻手放左係我個頭後面，慢慢將我個頭同佢愈拉愈近。然後我嘴唇感覺到佢嘅體溫，一種幸福嘅感覺充斥住全身。個世界就好似停頓左咁。
就好似呢個故嘅劇情⋯⋯都要作出一個停頓。