轉性人的荒淫校園: 46.《人間煉獄》

聖誕假放完，我發覺距離公開考試愈來愈遠，好彩我一尐都唔孤單。有Tobias，同小遙陪我，尻痕就去搵Jessie，研究話扑嘢有助放鬆心情。公開試可以話係我咁大個人入面最辛苦嘅時候。有班人成日話公開試辛苦係因為要溫習，其實果班友正一岸柒尻。

公開試最辛苦唔係要做野，而係果種心理上嘅挫敗感。

由於考評局太濕尻，唔會接受標準答案以外嘅嘢，你溫習嘅內容就只有背背同埋背。而你每日做嘅舊卷係重重覆覆又再重重覆覆，你開始問你自己究竟係度做乜柒。你愈諗就愈會覺得你做緊嘅野係極冇意思，唔通廿年後會忽然有人問下你秦始皇死左幾多年咩？秦始皇幾時死關我撚事！

當你每一日都做緊同一樣野，而你唔知你點解要做，但你又冇得唔做，呢樣先係最陰公。

小遙真係對我好好⋯⋯識到佢真係我三生修行。平日我同佢溫習溫到好咀喪，愈來愈頹嘅時候，小遙就會拍下我，鼓勵我同支持我。佢俾我嘅感覺，就好似話我知佢同我係一個團隊咁，令我有動力繼續去溫習。





當然，我都有用女身同Tobias 溫書。Tobias 專心個樣真係令人好著迷，好吸引。有一日，我溫溫下書又偷偷地望住Tobias。咁啱佢望過黎。

「傻妹，做咩望住我呀。」
「冇呀⋯⋯你繼續做野。」
Tobias 揸起個權頭托住我下巴，然後用隻手指公捽我個鼻「傻妹，你専心尐啦。」
「喂呀⋯⋯喂呀⋯⋯你知唔知你專心個樣好迷人㗎。」
「你望到入曬神咁。」
「咩喎⋯⋯人地諗緊你做其他野係咪都係呢個樣嘛。」
「例如呢？」
「例如屙屎思考人生咁。」




「痴線⋯⋯邊有人會幻想人屙屎咩樣架。」
於是我繼續做野。忽然，我覺得我塊面俾人錫左一啖。我擰一擰個頭，見到Tobias 望住我。「做咩呀。」
Tobias放左幾本旅遊書係我前面「我想帶我個公主去畢業旅行，唔知公主想去邊呢？」
「我中意自由行⋯⋯但你要負責訂，沿路要照顧我架⋯⋯你知啦，一個女仔去到陌生地方⋯⋯」
「得啦，唔見左你邊個賠番個女朋友俾我呀？」Tobias 係我耳邊講。

***

於是，我就咁過左半年行屍走肉嘅生活，終於考完個公開試，又開始約小遙去街。
係考完公開試第一日，我收到Jessie Whatsapp 我，叫我打電話俾佢。





「喂，Jessie？」
係電話嘅一邊，我聽到Jessie 喊緊。「關公⋯⋯我爹哋媽咪話要接我過美國讀書呀⋯⋯」
「咁幾好丫⋯⋯」
「我中意你呀⋯⋯」Jessie 一路喊，一路索鼻水「我會掛住你呀⋯⋯」
「唔好咁啦⋯⋯我有女朋友㗎啦⋯⋯我地唔維持得幾耐㗎。」
「一次⋯⋯就一次⋯⋯最後一次⋯⋯同我去長洲過一晚夜⋯⋯」Jessie 一路喊一路求我。

長洲荒山野嶺乜野都冇，一男一女，除左愛，有咩好做丫？於是我就應承左。

***

呢幾日都好忙⋯⋯所以打小左⋯⋯聽日開始會多番。同埋聽日開始係結局篇，呢個故唔係大團圓結局嘅。所有線索都已經排好架啦，我一定會講埋個故。

最後，其實Jessie 叫Jessie ，唔用中文名係有原因嘅⋯⋯幾集後就有得解架啦。​