轉性人的荒淫校園: 44.《歡樂聖誕球》

 到左聖誕舞會果日，我去左理髪舖淨係洗頭同set 頭。我行到入理髮鋪⋯⋯乜撚野話？平日幫我剪開頭果個Sammy放緊假？我知⋯⋯我做女仔嘅日數夾埋都唔夠一年⋯⋯Sammy都係幫我個女身剪過兩次頭髮咁大把。但平日關公幫襯開佢，對佢有信心嘛。

你諗下啦，如果佢派個深山大野人黎幫我set 頭，果個人黎個快刀斬亂麻。人地set個公主頭，佢就搞到我變柒頭，咁我今晩點約Tobias 喎。

「小姐，你想點整？」
「直頭髮，然後幫我梳公主頭唔該。」

***

我坐左係張理髮凳上面等左陣，理髪鋪派左一個老老地嘅中年阿姑都我set頭。我見佢個樣穩穩陣陣，反正我又唔係梳啲好新潮嘅髮型。只不過係一個好傳統，好古典，好優雅嘅髮型啫，應該難唔到中年呀姑嘅。





過左一陣，我個髮型終於都整好啦。我對往塊鏡照一照，無得輸。間髮型屋逗左我一百蚊⋯⋯抵俾嘅⋯⋯又真係幾靚。

我番到屋企，係衣櫃拎左條裙出黎。著呢啲晚裝裙首先要剝光豬，淨係著條底褲，然後套個人落去條裙度，再䄛件透明紗係面，最後如件米黃先嘅冷衫。我行入廁所塊鏡入面照一照，套衫好有層次。個髮型亦都同套衫好夾，完完全全係一個婷婷玉立嘅公主。Jessie套衫係靚，顯得佢好性感。但我套衫表露嘅係高雅同埋氣質⋯⋯

再靚嘅公主都要化妝，雖然話去舞會係熄一半燈，好黑，咩都睇唔到。但今日約左Tobias嘛⋯⋯點可以馬虎呢？今日好彩啦，家姐係度。「家姐，今日我俾男神約左去舞會呀⋯⋯咁你都唔想你細妺核核突突咁㗎。」
「嘩，關紫霞大個女啦喎⋯⋯著到靚靚咁去識男仔喎。」
「家姐教我化妝。」
「嘩，你而家先黎學牙，算吧啦。等我而家幫你化住先啦。」
我坐左係自己張書枱凳上面，家姐拎左佢堆裝備出黎。今日我行優雅路線，所以個妝冇化到好濃。家姐好快就搞掂左我個妝「你咁唔得呀⋯⋯我幫得你幾多次呀？」




「都係家姐最錫我。」
「你好快啲的起心肝⋯⋯我教你化妝。」
係呢個我電話響，係 Tobias打電話俾我「喂Kristy，我係 Tobias呀。」
「咩事呀。我就黎出門口啦。」
「我到左啦，你慢慢啦。」
「唔好意思呀⋯⋯要你等我。」

***

我收左線，咁啱俾家姐見到個來電顯示「哦， 又係Tobias，係咪就係第一次出街就放你飛機果個呀。」




「果次佢唔舒服呀⋯⋯」
「好靚仔架咩？定好叻架？」
「兩樣都係。唔講啦，佢係樓下啦。」
「未得住⋯⋯慢慢⋯⋯人第一次約你就放你飛機⋯⋯要俾佢覺得你矜貴啲。」家姐拎左盒野「呢盒用黎補妝⋯⋯咁用嘅⋯⋯」然後簡單示範左一次，放左入我個手袋。
「唔該曬家姐！」
「咁急做咩丫」家姐大安旨意咁攤左係梳化，開左屋企個閉路電視「你睇佢大大個棟左係度，你驚佢俾拐子佬捉左去咩。」
「我出門口啦⋯⋯」然後著左係黑色大䄛就出發啦。

***

我落到屋企樓下， Tobias係度等緊我。佢著住一件黑色西裝褲同䄛，入面係白色底色，極淺粉色幼恤衫。條呔係米黃色底，配淺藍疏幼斜間，係一個對稱，梯形嘅windsor knot。個效果望落斯文得黎好年輕。

我知⋯⋯粉紅色配黃色聽落好似拍超級無敵獎門人呀曾智偉著果啲嘛⋯⋯但唔係⋯⋯Tobias 件恤衫果隻粉紅係淺到差唔多白色，隻米黃亦唔深色，所以襯出黎好協調，冇曾智偉果種滑稽。OK，我錯⋯⋯其實曾智偉著咩都係咁滑稽⋯⋯其實曾智偉本身就係一個笑話。然後用米奇老鼠把聲「歡迎收睇六點半新聞。」雖然我偶像係荷蘭叻。​

Tobias望住我，眼定定，好似俾人點左穴咁。





「做咩呀⋯⋯你⋯⋯唔中意我今日個做形？」
「唔係呀⋯⋯你同平時好唔同」 Tobias話「你⋯⋯好靚⋯⋯好似個公主。」
「多⋯⋯謝呀⋯⋯」死啦⋯⋯我隻耳愈來愈熱。
「你今日好似個公主，好有氣質⋯⋯」Tobias遞左隻手埋黎「May I, my princess ?」 
 我伸左隻手出黎 「my pleasure。」
Tobias 拖住我隻手「公主你食左夜晚飯未呀。」
「未呀⋯⋯你帶我去啦⋯⋯前面間茶餐廳。」
「傻妹⋯⋯邊有人著到咁去茶餐廳㗎⋯⋯」 Tobias拉住我隻手向前行「我帶你去食西餐聽。」
「好貴喎。」
「我請你食啦⋯⋯反正我冇送聖誕禮物俾你。」
「做咩無啦啦送野俾我呀？」
「冇呀⋯⋯聖誕囉。」

***





我同Tobias各自哎左個 set dinner。食完之後就去左塔車。我始終都係覺得無啦啦要人請好唔好意思，所以隔硬都塞番錢俾 Tobias。

我地食完飯行左去小巴站， Tobias拉左下我隻手。「傻妹⋯⋯你著高踭鞋，點答小巴呀？」然後行左埋架的士度，拉開左棟門，俾我入去，然後佢先上車。「聖興奮男女書院唔該。」

架的士去到學校門口。 Tobias俾左錢，落車，然後一隻手拉住個車門，一隻手扶手離開架的士。佢拖住我隻手行入學校入面。因為我地早左，所以未入得禮堂住，要係禮堂門口等。禮堂門口已經聚集左好多人⋯⋯有男有女，大部分都好性感，低胸，露背，䄛屌裙，全部都有。Jessie果條當然亦係其中一條最搶眼啦。

我去到個寄存櫃枱將條大䄛交左俾工作人員，然後換左個號碼牌，入廁所補補個妝。出番黎⋯⋯見到 Tobias係度等我。忽然，一陣寒風吹埋黎，凍到入骨，我全身打冷震⋯⋯

忽然，有啲好暖嘅野包住我⋯⋯ Tobias除左佢件西裝䄛䄛住我，然後攬住我「你入到去唔凍先俾番我。」
「你唔凍咩？」
「攬住你咪唔凍囉。」

好啦，舞會就黎要開始啦。係咪好心急呢？欲知後事如何，請看下回分解。