【少少重甜】《用甜筒打喪屍！！》（完）: 第68回 - 意外
今次既行商場勁嗚活動真係唔錯
，好多平時唔捨得買既野都「徵用」哂返黎。例如，球棒，日式西裝褸（好通風，不過成萬yen一件，聽到都覺得貴。）同埋耳環 返到香港送比呀妹先，如果有機會返到去的話。 「執對返去比阿妹用都好呀。
」我同覺得好疑惑懷疑我會易服既詩音講。 不過唔好既係，咁大個商場雖然食肆係多，不過無supermarket，都唔知平時d人會去邊度買野食。所以我地都係去執少少一包二包既零食返去，仲諗住今晚有得同詩音餵下魚
「等一下。」池田阻住我地。
「什麼事？」Angel問道。
池田：「我聽到厚重的呼吸聲。」
「哦？咁我可以做下熱身喎！
」我揮動棒球棍。係晴空塔既影響下，總有一兩隻唔多怕電波。呢D就係個體差異，微觀d講就叫做基因變異種。雖然生物學知識係應該用係「生物」上，而喪屍係唔係生物，我真係要捉一隻研究先得啦。 （我要再重複一次，怕電波仲係假設，不過即管當佢係先啦。）
我地慢慢行近一間食肆，雖然開左門，但係d燈係熄左幾盞。
「做乜勁呀特登整到咁恐怖
」我話。不過呢d只係我強迫自己自我催眠成唔緊張既假動作。 我地越行得近，就越聽得清楚，口齒不清咁似乎想講野，但講埋d無意義既聲音。加上亂咁郁動而撞擊既聲，我地好肯定有喪屍係入面。
我個人認為，呢d怕電波既喪屍一定要早殺，如果唔係佢咬左人之後唔知會唔會將帶有抗性既病毒傳播開去。
我同池田兩個做前峰，師姐做中堅，Angel同詩音兩個做後衛！
我地慢慢接近吧台位置，不過估唔到，意想不到既事咁快就出現！！
「拍！」
詩音個袋唔小心跌左落地。
「仆..仆街！！
」我都黎唔切講，吧台後既喪屍即刻跳出吧台，向詩音衝去！ 我心入面Hi左一聲，真係失策，入吧台要兜路，完全阻擋哂自己進攻路線。食肆入面既檯凳仲阻住我移動！！
「きゃあきゃあ---------------!!」詩音尖叫。
Hi！
係呢一刻.....師姐衝左出黎，推開詩音，自己擋左喪屍呢一下飛撲！！
