【少少重甜】《用甜筒打喪屍！！》（完）: 第69回 - 旗

----------------------------回憶線--------------------- 

「Chris，你守承諾會保護我架可？」天黑黑，係車車Jennifer外面的師姐話。 

「你自己都保護到自己啦」我話。 

「幾勁既女仔有時都會好脆弱架~」師姐呢個時候用佢好強既反射神經，兩隻手指就夾死左隻蚊。 「希望喪屍眼中既人類無咁脆弱啦。」 

我即刻攬住師姐，我個頭只去到佢個嘴咁高。我已經有171cm，師姐目測都178cm 
「我會保護你。放心啦。  」 



師姐面帶淡淡的微笑，然後都同我用力地擁抱：「你果然好有安全感~  」 

我攬著高大但又有點少女味道的師姐，望住被晴空塔微弱燈光照亮既押上區，不發一言。浪漫，就係唔洗出聲都感受到對方既愛。 

師姐合上眼睛，感受短短幾分鐘的二人世界。幾分鐘後，我們就要前後腳回到水族館基地。 

-------------------------------------------------------------- 

「呀！！我屌呀！！！   」我怒吼，無視前面的檯凳，將它們通通撞開，即刻膝頭被檯台撞到痛不欲生，我仍然向前衝！！ 



喪屍因為聲響，將目光望向我的方向，不過已經太遲了。我右腳向後拉弓，然後左腳小腿肌肉一收，身體向前躍出一米，右腳屈曲而成的膝，正好碰在喪屍的牙齒上。 

膝法係格鬥技入面常用既近攻招式，因為膝蓋骨十分堅硬，所造成的攻擊力大，接觸面積小。以同等力最情況下，施加於受攻擊部分的壓力大極多！！ 

而且膝招的動作路線短、突擊性強，加上攻擊力大，不需太多鍛煉也能使出強力的攻擊！所以在實戰中是極實用的招式！！ 

「o彭！」喪屍應聲倒地，伴隨少許牙齒跌在地上的清翠聲音。