【少少重甜】《用甜筒打喪屍！！》（完）: 第67回 - 無聲的城巿

終於到達出發既日子，我心入面除左少少淆底，就係多多既興奮。唔知點解..當人類一試過成功既感覺，就會開始有信心。對於殺喪屍，我就有呢種感覺。當我幻想起可以殺左喪屍，心入面果種興奮就湧出黎！！ 

不過我內心有把聲音同我講：『請你唔好忘記，喪屍以前都係人類  』 

我：   

好啦，我、池田、師姐、詩音同angel五個人出發！ 

今次既任務只係周圍行下。老實講，五個人去探險，真係似郊遊多過真係做調查。我地首先行一D大路既正門，周圍望下有無生還者或者喪屍，之後會睇下有無小路，甚至通風口可以比我地通過。 



一個字，靜。 

真係靜到加零一。成個墨田區同死城無分別。我仲諗住可能會遇到一d另一個社區既人都係出黎調查，咁可以一齊行動。我既心情好似就玩緊ocamp既大學生，玩cityhunt時好想係街度遇到另一間u又玩cityhunt既人咁。 

可惜無人。喪屍就離遠見到幾隻。不過我地都係可避側避，除非真係阻住我去路啦。 

真係好奇怪，d警察呀自慰衛隊呀軍隊果d去哂邊？ 

我用望遠鏡一望，發現係遠處有好多喪屍，越接近晴空塔就越少，睇黎晴空塔的確係有種力量保護我地.. 



『多謝你，晴空塔。』我話。 

『唔洗客氣  』 

咦喂做咩又有人應我    我開始有返bb仔時候果種萬物有靈論。唔通我已經痴左線？精神分裂？ 

唔係。當人類絕望既時候，就會以自己既意志去想象出一個實體去同自己溝通。 

神像、偶像、甚至一個排球，都可以成為你既精神寄托。 



身體總是很誠實。雖然我既頭腦說服我自己，喪屍不可怕、喪屍不可怕，我可以輕易殺死、我可以輕易殺死........但原來我已經去到絕望既地步。望見萬里無人，點能不絕望？ 

對唔住啦呀妹...呀哥可能返唔到黎香港煮飯你食  

我地繼續係商場入面冒險，除左靜，都係靜。但係竟然仲有商場廣播既音樂，電梯如常運作。因為日本核電廠既設計，就算無人控制，都仍然可以維持到幾個月咁耐。係呢幾個月內，我地就要搵出生存落去既方法！！  

商場好多店鋪都開左，但人就唔見哂。無乜混亂既情況，即係代表無打劫，都無喪屍黎過。人類係好守秩序咁離開。呢個係日本人既文化定係有咩古怪？我已經分析唔到。 

我地「徵用」左好多靚衫，食物，同少少「武器」 。

就好似平時行街咁。 

「喂詩音..你記得我地係試衣間咩咩嗎？   」我話。我地身處一間大型賣衫既鋪頭。 



詩音紅都面哂：「不要說嘛！」 

「咦，又講咸濕野。  」師姐話。佢插嘴仲搞到詩音更加面紅。 

自從前日師姐幫我打完次飛機，佢尋日全日無同我講過野   好尷尬？明明佢做主動架嘛   

「...」Angel唔出聲。